وسى جىلدىڭ 3 قازانىنان باستاپ ەكى, بەس جانە ون مىڭدىق كۋپيۋرالار قولدانىستان الىنىپ تاستالادى. بۇل اقشالار 2006 جىلى شىققان. سوندىقتان دا, قارجى ماماندارى اينالىمدا جۇرگەن 300 ميلليارد تەڭگە بولاتىن ەسكى بانكنوتتاردىڭ كۇشىن جويۋدى قۇپ كورىپ وتىر.
ۇلتتىق بانك باسشىلىعى قازاقستاندىقتارعا قولدانىستا جۇرگەن اتالعان كۋپيۋرالاردىڭ قازان ايىنا دەيىن جارامدى ەكەنىن تەكسەرۋدە. – ەگەر دە قازىرگى تاڭدا اتالعان بانكنوتتاردى قانداي دا ءبىر مەكەمە قابىلداۋدان باس تارتسا, ۇلتتىق بانككە بارىپ, شاعىمدانۋعا تولىق قۇقىڭىز بار, – دەيدى قارجى ماماندارى. سونداي-اق, ۇلتتىق بانكتىڭ قولما-قول اقشامەن جۇمىس ءجۇرگىزۋ باسقارماسى باسشىسىنىڭ ورىنباسارى اندرەي بالاحمەتوۆ «بايتەرەك بەينەلەنگەن جالپى سوماسى 300 ملرد. تەڭگەنىڭ كۋپيۋرالارى اينالىمنان الىنۋدا. ەگەر ءسىز ۇيدەن وسىنداي ەسكى اقشانى تاۋىپ الساڭىز, الايدا, ونى اۋىستىرۋ ۋاقىتى ءوتىپ كەتسە, ابىرجۋدىڭ قاجەتى جوق. ويتكەنى, كەلەر جىلى تولىعىمەن ايىرباستاپ الۋعا قۇقىڭىز بار», – دەيدى.
ايتا كەتەيىك, قازاقستان بويىنشا اتالعان بانكتىڭ بارلىق بولىمشەلەرى 2016 جىلدىڭ 3 قازانىنان باستاپ, 2020 جىلدىڭ 3 قازانىنا دەيىن ءتورت جىل بويى كۋپيۋرالاردى اۋىستىرۋ اياسىندا جۇمىسىن جالعاستىرا بەرەدى.
تالعات رايىمبەك,
«ەگەمەن قازاقستان»