2015 جىلعى 16 قاراشا, استانا قالاسى
قازاقستان رەسپۋبليكاسىنىڭ پروكۋراتۋرا ورگاندارىنا قىزمەتكە العاش تۇراتىن ادامدار ءۇشىن ءبىر جىلعا دەيىن سىناق مەرزىمىن بەلگىلەۋ قاعيداسىن بەكىتۋ تۋرالى
«قۇقىق قورعاۋ قىزمەتى تۋرالى» قازاقستان رەسپۋبليكاسى زاڭىنىڭ 12-بابىنىڭ 1-تارماعىنا سايكەس, بۇيىرامىن:
1. قوسا بەرىلىپ وتىرعان قازاقستان رەسپۋبليكاسىنىڭ پروكۋراتۋرا ورگاندارىنا قىزمەتكە العاش تۇراتىن ادامدار ءۇشىن ءبىر جىلعا دەيىن سىناق مەرزىمىن بەلگىلەۋ قاعيداسى بەكىتىلسىن.
2. قازاقستان رەسپۋبليكاسى باس پروكۋراتۋراسىنىڭ كادر جۇمىسى دەپارتامەنتى:
1) قازاقستان رەسپۋبليكاسى ادىلەت مينيسترلىگىندە وسى بۇيرىقتى مەملەكەتتىك تىركەۋدى;
2) قازاقستان رەسپۋبليكاسى ادىلەت مينيسترلىگىندە وسى بۇيرىقتى مەملەكەتتىك تىركەۋدەن وتكەننەن كەيىن ون كۇنتىزبەلىك كۇن ىشىندە رەسمي جاريالاۋعا جولداۋدى;
3) قازاقستان رەسپۋبليكاسى باس پروكۋراتۋراسىنىڭ ينتەرنەت-رەسۋرسىندا وسى بۇيرىقتى ورنالاستىرۋدى قامتاماسىز ەتسىن.
3. وسى بۇيرىقپەن قازاقستان رەسپۋبليكاسىنىڭ پروكۋراتۋرا ورگاندارى, ۆەدومستۆولارى مەن مەكەمەلەرىنىڭ بارلىق قىزمەتكەرلەرى تانىستىرىلسىن.
4. اتالعان بۇيرىقتىڭ ورىندالۋىن باقىلاۋ قازاقستان رەسپۋبليكاسى باس پروكۋراتۋراسىنىڭ كادر جۇمىسى دەپارتامەنتىنە جۇكتەلسىن.
5. وسى بۇيرىق العاشقى رەسمي جاريالانعان كۇنىنەن كەيىن ون كۇنتىزبەلىك كۇن وتكەن سوڭ قولدانىسقا ەنگىزىلەدى.
قازاقستان رەسپۋبليكاسىنىڭ باس پروكۋرورى ا.داۋىلباەۆ
قازاقستان رەسپۋبليكاسى باس پروكۋرورىنىڭ 2015 جىلعى 16 قاراشاداعى №130 بۇيرىعىمەن بەكىتىلگەن
قازاقستان رەسپۋبليكاسىنىڭ پروكۋراتۋرا ورگاندارىنا قىزمەتكە العاش تۇراتىن ادامدار ءۇشىن
ءبىر جىلعا دەيىن سىناق مەرزىمىن بەلگىلەۋ
قاعيداسى
1. جالپى ەرەجەلەر
1. قازاقستان رەسپۋبليكاسىنىڭ پروكۋراتۋرا ورگاندارىنا قىزمەتكە العاش تۇراتىن ادامدار ءۇشىن ءبىر جىلعا دەيىن سىناق مەرزىمىن بەلگىلەۋدىڭ وسى قاعيداسى 2011 جىلعى 6 قاڭتارداعى «قۇقىق قورعاۋ قىزمەتى تۋرالى» قازاقستان رەسپۋبليكاسى زاڭىنا (بۇدان ءارى –زاڭ) سايكەس ازىرلەندى جانە قازاقستان رەسپۋبليكاسىنىڭ پروكۋراتۋرا ورگاندارىنا قىزمەتكە العاش تۇراتىن ادامدار ءۇشىن سىناق مەرزىمىن بەلگىلەۋدىڭ ءتارتىبىن رەتتەيدى.
2. سىناق مەرزىمىن بەلگىلەۋ ءتارتىبى
2. سىناق مەرزىمى پروكۋراتۋرا ورگاندارىنا العاشقى رەت قابىلدانعان تۇلعالاردىڭ ورنالاسقان لاۋازىمعا سايكەس كەلۋىن تەكسەرۋ ماقساتىندا بەلگىلەنەدى.
3. پروكۋراتۋرا ورگاندارىنا العاشقى رەت قابىلدانعان تۇلعالار ءۇشىن سىناق مەرزىمىنىڭ ۇزاقتىعى مىناداي تارتىپتە بەلگىلەنەدى:
ناقتى لاۋازىمنىڭ ءتيىستى فۋنكتسيونالدىق باعىتتارىنا سايكەس كەلەتىن ماماندىقتار بويىنشا ءۇش جىل جانە ودان جوعارى جۇمىس (قىزمەت) ءوتىلى بار تۇلعالار ءۇشىن – التى اي;
ماماندىعى بويىنشا ءۇش جىلعا دەيىن جۇمىس (قىزمەت) ءوتىلى بار تۇلعالار ءۇشىن – ءبىر جىل.
4. سىناق مەرزىمىنىڭ ۇزاقتىعى پروكۋراتۋرا ورگانى باسشىسىنىڭ نەمەسە پروكۋراتۋرا ورگانى باسشىسىنىڭ ۋاكىلەتتى تۇلعاسىنىڭ لاۋازىمعا تاعايىنداۋ تۋرالى بۇيرىعىمەن بەلگىلەنەدى. وزىنە قاتىستى سىناق بەلگىلەنگەن تۇلعا سىناق مەرزىمىن بەلگىلەۋ تارتىبىمەن جانە لاۋازىمعا تاعايىنداۋ تۋرالى بۇيرىقپەن تانىستىرىلادى.
5. سىناق مەرزىمىنەن ءوتۋ كەزەڭىندە تۇلعا جۇمىستا جوعارى جەتىستىكتەرگە جەتكەن كەزدە قازاقستان رەسپۋبليكاسىنىڭ باس پروكۋرورىمەن نەمەسە ونىڭ كەلىسىمى بويىنشا قازاقستان رەسپۋبليكاسى باس پروكۋراتۋراسىنىڭ قۇرىلىمدىق بولىمشەسىنىڭ باسشىسىنىڭ نەمەسە پروكۋراتۋرا ورگانى باسشىسىنىڭ دالەلدى ۇسىنىسى نەگىزىندە سىناق مەرزىمى قىسقارتىلادى.
6. سىناق مەرزىمى اياقتالعان سوڭ پروكۋراتۋرا ورگانىنىڭ كادر قىزمەتى تىكەلەي باسشىسىنىڭ قورىتىندىسى (ۇسىنىسى) نەگىزىندە پروكۋراتۋرا ورگانىنىڭ باسشىسىنا نەمەسە پروكۋراتۋرا ورگانى باسشىسىنىڭ ۋاكىلەتتى تۇلعاسىنا ول تۇلعانىڭ پروكۋراتۋرا ورگاندارىندا ودان ءارى قىزمەت اتقارۋىنىڭ دۇرىستىعى تۋرالى ۇسىنىس ەنگىزەدى.
7. وزىنە جۇكتەلگەن لاۋازىمدىق مىندەتتەرىن تۇلعانىڭ ورىنداۋعا قابىلەتسىز ەكەنىن بەكىتەتىن بارلىق فاكتىلەر ونىڭ تىكەلەي باسشىسىمەن جازباشا بەكىتىلەدى جانە سىناقتان ءوتۋىدىڭ ناتيجەسى تۋرالى ۇسىنىستار كورسەتىلەدى.
8. سىناق مەرزىمى ىشىندە بايقالعان تۇلعانىڭ پروكۋراتۋرا ورگاندارىنداعى قىزمەتكە جارامسىزدىعى زاڭنىڭ 80-بابىنا سايكەس ونى پروكۋراتۋرا ورگاندارىنان شىعارۋعا نەگىز بولىپ تابىلادى.
بۇيرىق قازاقستان رەسپۋبليكاسىنىڭ ادىلەت مينيسترلىگىندە 2015 جىلعى 14 جەلتوقساندا نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №12415 بولىپ ەنگىزىلدى.