ماڭعىستاۋ وبلىسىندا پوليتسيا پودپولكوۆنيگى لەيلا سايدوۆا 18 جىل ىشكى ىستەر ورگاندارىندا قىزمەت ەتىپ, زەينەتكە شىقتى. بۇل تۋرالى ماڭعىستاۋ وبلىستىق پوليتسيا دەپارتامەنتىندە وتكەن سالتاناتتى جيىندا بەلگىلى بولدى, دەپ حابارلايدى Egemen.kz.
ءىس-شارا وبلىستىق پد اكىمشىلىك پوليتسيا باسقارماسىندا ۇيىمداستىرىلىپ, ۇزاق جىل قىزمەت ەتكەن ءتارتىپ ساقشىلارىنا العىس ايتىلدى. ولاردىڭ قاتارىندا پوليتسيا پولكوۆنيكتەرى اسقار دجايلاۋباەۆ پەن ەرلان كەزباەۆ تا بار.
الايدا جيىندا ەرەكشە نازار الەۋمەتتىك جەلىلەردە «قازاقتىڭ مونيكا بەللۋچچيى» دەگەن لاقاپ اتپەن تانىلعان لەيلا سايدوۆاعا اۋدى.
استانالىق پوليتسەيلەر بەينەكامەرا ارقىلى جول ەرەجەسىن بۇزعانداردى انىقتادى
ول وبلىستىق پد اكىمشىلىك پوليتسيا باسقارماسى شتابىنىڭ اعا ينسپەكتورى قىزمەتىن اتقارعان. ىشكى ىستەر سالاسىندا 18 جىل ەڭبەك ەتكەن وفيتسەر كاسىبيلىگىمەن جانە جاۋاپكەرشىلىگىمەن ەرەكشەلەنگەن.
لەيلا سايدوۆا بۇعان دەيىن الەۋمەتتىك جەلىلەردە كۇتپەگەن تانىمالدىققا يە بولعان ەدى. ونىڭ اتىنا قاتىستى جاعداي پوليتسيا بولىمشەسىنە كەلگەن ازاماتشامەن بولعان وقيعادان كەيىن كەڭىنەن تاراعان. سول ساتتەگى سابىرلىلىعى مەن كاسىبي ۇستانىمى جەلى قولدانۋشىلارىنىڭ نازارىن اۋدارعان.
ەكى قىزمەتكەر زارداپ شەكتى: اتىراۋ وبلىسىندا پوليتسەيلەرگە شابۋىل جاساعاندار ۇستالدى
كەيىن قولدانۋشىلار ونى «تەمىر حانىم» دەپ اتاپ, يتاليالىق اكتريسا مونيكا بەللۋچچيگە تەڭەگەن.
ءوز كەزەگىندە ول مۇنداي تانىمالدىقتى اۋىر قابىلداعانىن جانە كوپشىلىك نازارىندا بولۋعا ۇمتىلمايتىنىن ايتقان ەدى. سونىمەن قاتار, پوليتسيا قىزمەتىنىڭ ۇلكەن پسيحولوگيالىق توزىمدىلىكتى تالاپ ەتەتىنىن اتاپ وتكەن.
ارىپتەستەرى لەيلا سايدوۆانى ءپرينتسيپشىل, ءادىل ءارى كاسىبي بىلىكتى وفيتسەر رەتىندە سيپاتتايدى. قىزمەت بارىسىندا ول وڭىردەگى قوعامدىق ءتارتىپتى قامتاماسىز ەتۋگە ەلەۋلى ۇلەس قوسقان.
سالتاناتتى جيىن سوڭىندا زەينەتكە شىققان قىزمەتكەرلەرگە العىس ايتىلدى.