كەزدەسۋ بارىسىندا ەۋرازيالىق دامۋ بانكىنىڭ سوڭعى جيىرما جىلدا اتقارعان جۇمىس ناتيجەسى جانە ينۆەستيتسيالىق ىنتىماقتاستىقتى كەڭەيتۋ پەرسپەكتيۆاسى تالقىلاندى, دەپ حابارلايدى Egemen.kz.
مەملەكەت باسشىسى قارجى ينستيتۋتىنىڭ نەگىزى قالانعانىنا 20 جىل تولۋىمەن قۇتتىقتادى.
قاسىم-جومارت توقاەۆ ەۋرازيالىق دامۋ بانكى ستراتەگيالىق ماڭىزى بار جوبالاردى ىسكە اسىرۋدا قازاقستاننىڭ باستى سەرىكتەستەرىنىڭ ءبىرى ەكەنىنە نازار اۋداردى.
نيكولاي پودگۋزوۆ مەملەكەت باسشىسىنا ەادب بولجامىن تانىستىردى. سوعان سايكەس, بيىل ەلىمىزدىڭ ىشكى جالپى ءونىمىنىڭ ءوسىمى 5,5 پايىزدان كەم بولمايدى. بۇعان ينۆەستيتسيانىڭ قارقىنى, اۋقىمدى ينفراقۇرىلىمدىق باعدارلامالار, سونداي-اق ىشكى سۇرانىس پەن الەۋمەتتىك كورسەتكىشتەردىڭ تۇراقتىلىعى اسەر ەتەدى.
مەملەكەت باسشىسى: «تازا قازاقستان» جالپىۇلتتىق جوباسىنىڭ تۇپكى ءمانى – قوعامدىق سانانى جاڭعىرتۋ
پرەزيدەنتكە بانكتىڭ 2022-2026 جىلدار ارالىعىندا جۇزەگە اسىرعان ستراتەگياسى اياسىندا جالپى ينۆەستيتسيا كولەمى 9,2 ميلليارد دوللارعا جەتكەنى جونىندە مالىمەت بەرىلدى. قازاقستان ەكونوميكاسىنا 5,2 ميلليارد دوللار قارجى قۇيىلدى. بۇل – بانكتىڭ وتكەن 15 جىلدا سالعان ينۆەستيتسياسىمەن پاراپار.
اتاپ ايتقاندا, 2,1 ميلليارد دوللار ونەركاسىپتى دامىتۋعا, 1 ميلليارد دوللار ەنەرگەتيكا سالاسىنا, 1 ميلليارد دوللار كولىك ينفراقۇرىلىمىنا, 1,1 ميلليارد دوللار قارجى سەكتورىنا باعىتتالدى. تسيفرلاندىرۋدى دامىتۋعا جانە جاساندى ينتەللەكت تەحنولوگياسىن ەنگىزۋگە ايرىقشا ءمان بەرىلىپ وتىر.
قاسىم-جومارت توقاەۆ پەن شاۆكات ميرزيوەۆ بەيرەسمي كەزدەسۋ وتكىزەدى
مەملەكەت باسشىسى قارجى ينستيتۋتى قىزمەت كورسەتەتىن ايماقتاردىڭ ايتارلىقتاي كەڭەيگەنىن اتاپ ءوتتى. پرەزيدەنتتىڭ پىكىرىنشە, بۇل جاڭا باستامالاردى ىسكە اسىرىپ, وڭىرلىك ەكونوميكالىق ينتەگراتسيانى نىعايتۋعا ىقپال ەتەدى.
كەزدەسۋ سوڭىندا قاسىم-جومارت توقاەۆ پەن نيكولاي پودگۋزوۆ قازاقستان ەكونوميكاسىن ورنىقتى دامىتۋ ماقساتىندا ستراتەگيالىق سەرىكتەستىك پەن ينۆەستيتسيالىق ىنتىماقتاستىقتى ودان ءارى ارتتىرۋعا نيەتتى ەكەنىن راستادى.
توقاەۆ: جوعارى مەملەكەتتىك ماراپاتتار تىزىمىنە ء«ال-فارابي» وردەنى ەنگىزىلەدى