2015 جىلعى 25 اقپان, استانا قالاسى
«پارفيۋمەرلىك-كوسمەتيكالىق ونىمدەر مەن اۋىز قۋىسى گيگيەناسى قۇرالدارىن وندىرۋگە, وتكىزۋگە جانە ساقتاۋعا قويىلاتىن سانيتاريالىق-ەپيدەميولوگيالىق تالاپتار» سانيتاريالىق قاعيدالارىن بەكىتۋ تۋرالى
«حالىق دەنساۋلىعى جانە دەنساۋلىق ساقتاۋ جۇيەسى تۋرالى» 2009 جىلعى 18 قىركۇيەكتەگى قازاقستان رەسپۋبليكاسى كودەكسىنىڭ 144-بابىنىڭ 6-تارماعىنا سايكەس بۇيىرامىن:
1. قوسا بەرىلىپ وتىرعان «پارفيۋمەرلىك-كوسمەتيكالىق ونىمدەر مەن اۋىز قۋىسى گيگيەناسى قۇرالدارىن وندىرۋگە, وتكىزۋگە جانە ساقتاۋعا قويىلاتىن سانيتاريالىق-ەپيدەميولوگيالىق تالاپتار» سانيتاريالىق قاعيدالارى بەكىتىلسىن.
2. قازاقستان رەسپۋبليكاسى ۇلتتىق ەكونوميكا مينيسترلىگىنىڭ تۇتىنۋشىلاردىڭ قۇقىقتارىن قورعاۋ كوميتەتى زاڭنامادا بەلگىلەنگەن تارتىپپەن:
1) وسى بۇيرىقتى قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلۋىن;
2) وسى بۇيرىقتى مەرزىمدى باسپا باسىلىمدارىندا جانە «ادىلەت» اقپاراتتىق-قۇقىقتىق جۇيەسىندە رەسمي جاريالانۋىن;
3) وسى بۇيرىقتىڭ قازاقستان رەسپۋبليكاسى ۇلتتىق ەكونوميكا مينيسترلىگىنىڭ ينتەرنەت-رەسۋرسىنا ورنالاستىرىلۋىن قامتاماسىز ەتسىن.
3. وسى بۇيرىقتىڭ ورىندالۋىن باقىلاۋ جەتەكشىلىك ەتەتىن قازاقستان رەسپۋبليكاسىنىڭ ۇلتتىق ەكونوميكا ۆيتسە-مينيسترىنە جۇكتەلسىن.
4. وسى بۇيرىق العاشقى رەسمي جاريالانعان كۇنىنەن كەيىن ون كۇنتىزبەلىك كۇن وتكەن سوڭ قولدانىسقا ەنگىزىلەدى.
قازاقستان رەسپۋبليكاسىنىڭ ۇلتتىق ەكونوميكا ءمينيسترى ە.دوساەۆ
«كەلىسىلگەن»
قازاقستان رەسپۋبليكاسىنىڭ دەنساۋلىق ساقتاۋ جانە الەۋمەتتىك دامۋ ءمينيسترى
_______________ ت. دۇيسەنوۆا
2015 جىلعى 27 اقپان
«كەلىسىلگەن»
قازاقستان رەسپۋبليكاسىنىڭ ينۆەستيتسيالار جانە دامۋ ءمينيسترى
_______________ ءا. يسەكەشەۆ
2015 جىلعى 4 ناۋرىز
قازاقستان رەسپۋبليكاسى ۇلتتىق ەكونوميكا ءمينيسترىنىڭ
2015 جىلعى 25 اقپانداعى №135 بۇيرىعىمەن بەكىتىلگەن
«پارفيۋمەرلىك-كوسمەتيكالىق ونىمدەر مەن اۋىز قۋىسى گيگيەناسى قۇرالدارىن وندىرۋگە, وتكىزۋگە جانە ساقتاۋعا قويىلاتىن سانيتاريالىق-ەپيدەميولوگيالىق تالاپتار» سانيتاريالىق قاعيدالارى
1. جالپى ەرەجەلەر
1. «پارفيۋمەرلىك-كوسمەتيكالىق ونىمدەر مەن اۋىز قۋىسى گيگيەناسى قۇرالدارىن وندىرۋگە, وتكىزۋگە جانە ساقتاۋعا قويىلاتىن سانيتاريالىق-ەپيدەميولوگيالىق تالاپتار» سانيتاريالىق قاعيدالارى (بۇدان ءارى – سانيتاريالىق قاعيدالار) پارفيۋمەرلىك-كوسمەتيكالىق ونىمدەر مەن اۋىز قۋىسى گيگيەناسى قۇرالدارىن وندىرۋگە, وتكىزۋگە جانە ساقتاۋعا قويىلاتىن سانيتاريالىق-ەپيدەميولوگيالىق تالاپتاردى بەلگىلەيدى.
2. وسى سانيتاريالىق قاعيدالاردا مىناداي تەرميندەر مەن انىقتامالار پايدالانىلدى:
1) اۋىز قۋىسى گيگيەناسى قۇرالدارى (بۇدان ءارى – اقگق) – جالعىز جانە (نەمەسە) باستى ماقساتى ولاردى تازارتۋ, حوش يىستەندىرۋ, ولاردىڭ سىرتقى ءتۇرىن وزگەرتۋ, ولاردى قورعاۋ, جاقسى جاعدايدا ساقتاۋ بولاتىن, تىسكە, قىزىل يەككە جانە اۋىز قۋىسىنىڭ سىلەكەيلى قابىعىنا تىكەلەي جاعۋعا ارنالعان گيگيەنالىق جانە (نەمەسە) پروفيلاكتيكا اسەرى بار پارفيۋمەرلىك-كوسمەتيكالىق ءونىم;
2) پارفيۋمەرلىك-كوسمەتيكالىق ءونىم (بۇدان ءارى – پكو) – جالعىز نەمەسە باستى ماقساتى ولاردى تازارتۋ, ولاردىڭ سىرتقى ءتۇرىن وزگەرتۋ, جاعىمدى ءيىس بەرۋ جانە (نەمەسە) دەنەنىڭ ءيىسىن وزگەرتۋ جانە (نەمەسە) ونى قورعاۋ جانە (نەمەسە) جاقسى جاعدايدا ساقتاۋ جانە (نەمەسە) ولاردى كۇتۋ بولاتىن, ادامنىڭ سىرتقى جامىلعىسىنا (تەرىسىنە, تۇكتى جامىلعىسىنا, تىرناعىنا, ەرنىنە جانە سىرتقى جىنىس ورگاندارىنا) نەمەسە تىسكە جانە اۋىز قۋىسىنىڭ سىلەكەيلى قابىعىنا تىكەلەي جاعۋعا ارنالعان زات نەمەسە زاتتار قوسپالارى.
2. پارفيۋمەرلىك-كوسمەتيكالىق ونىمدەر مەن اۋىز قۋىسى گيگيەناسى قۇرالدارىن
وندىرۋگە قويىلاتىن سانيتاريالىق-ەپيدەميولوگيالىق تالاپتار
3. پكو مەن اقگق ءوندىرۋ جانە وتكىزۋ بويىنشا وبەكتىلەردى ورنالاستىرۋعا, جەر ۋچاسكەلەرىن بەرۋگە, سالۋعا جانە رەكونسترۋكتسيالاۋعا ارنالعان جوبالاۋ قۇجاتتاماسىن بەكىتۋگە, پايدالانۋعا بەرۋگە حالىقتىڭ سانيتاريالىق-ەپيدەميولوگيالىق سالاۋاتتىلىعى سالاسىنداعى مەملەكەتتىك ورگان ۆەدومستۆوسىنىڭ سانيتاريالىق-ەپيدەميولوگيالىق قورىتىندىسى بار بولعاندا جول بەرىلەدى.
4. وبەكتىلەر جەكە اۋماقتا ورنالاستىرىلادى. ءوندىرىستىڭ اۋماعىن جارىقتاندىرىلۋى, قورشالۋى جانە كوگالداندىرىلۋى قاراستىرىلادى.
اۋماق وندىرىستىك جانە شارۋاشىلىق ايماقتارعا بولىنەدى:
1) وندىرىستىك ايماقتا وندىرىستىك ءۇي-جايلارى, شيكىزات پەن دايىن ونىمگە ارنالعان قويما ءۇي-جايلارى, تۇرمىستىق ءۇي-جايلارى, مەديتسينالىق پۋنكتى بار وندىرىستىك كورپۋس ورنالاسادى;
2) شارۋاشىلىق ايماقتا جوندەۋ شەبەرحانالارى, ىدىستى جانە وتىندى ساقتاۋعا ارنالعان قويمالار, قازاندىق, گاراج, قوقىستى جيناۋعا ارنالعان كونتەينەرلەرى بار الاڭ, اۋلالىق دارەتحانا ورنالاسادى.
5. شارۋاشىلىق ايماق وندىرىستىك ايماققا قاتىستى جەلدىڭ ىق جاعىندا ورنالاسادى جانە جاس كوشەتتەرمەن بولىنەدى. كولىك كىرەتىن جەرلەر مەن جاياۋ جۇرگىنشىلەر جۇرەتىن جولدار اسفالتتالادى نەمەسە قاتتى جابىنى بولادى.
6. ىدىستار, قۇرىلىس جانە شارۋاشىلىق ماتەريالدارى قويمالاردا ساقتالادى. ىدىستاردى اسفالتتالعان الاڭداردا قالقانىڭ استىندا جيناۋعا جانە ولاردى ۋاقىتشا ساقتاۋعا جول بەرىلەدى.
7. اتموسفەرالىق سۋدىڭ اعىپ كەتۋى ءۇشىن عيماراتتان جانە باسقا قۇرىلىستاردان سۋ توعاندارىنا باعىتتالعان ەڭىستەر جابدىقتالادى. سۋ توعاندارى مەن سۋاعارلار جۇيەلى تۇردە تازالانادى, ۋاقتىلى جوندەلەدى.
8. اۋماق كۇندەلىكتى جينالادى جازعى ۋاقىتتا – سۋ سەبىلەدى, قىسقى ۋاقىتتا – قاردان جانە مۇزدان تازارتىلادى, قۇم سەبىلەدى.
9. قالدىقتار مەن قوقىستى جيناۋ ءۇشىن ولشەمدەرى كونتەينەرلەر نەگىزدەرىنىڭ الاڭىنان ءۇش ەسەگە اساتىن جانە وندىرىستىك جانە قوسالقى ءۇي-جايلاردان 25 مەتردەن جاقىن ورنالاسپايتىن, اسفالتتالعان الاڭدا ورناتىلاتىن مەتالل كونتەينەرلەر پايدالانىلادى.
10. قالدىقتار مەن قوقىستى شىعارۋ ولار كونتەينەر سىيىمدىلىعىنىڭ ۇشتەن ەكىسىنەن اسپاي جيناقتالعاندا, بىراق كۇنىنە كەمىندە ءبىر رەت جۇرگىزىلەدى. بوساتىلعاننان كەيىن كونتەينەرلەر جۋىلادى جانە دەزينفەكتسيالانادى.
11. قوقىس شىعارۋ شيكىزات پەن دايىن ءونىمدى تاسىمالداۋ ءۇشىن پايدالانۋعا جول بەرىلمەيتىن ارنايى كولىك قۇرالدارىمەن جۇزەگە اسىرىلادى.
12. وبەكتىلەردىڭ عيماراتتارى سۋمەن جابدىقتاۋ, كارىز, جىلىتۋ, جەلدەتۋ, جارىقتاندىرۋ جانە اۋا باپتاۋ جۇيەلەرىمەن قامتاماسىز ەتىلەدى.
13. تەحنيكالىق جانە اۋىز سۋدىڭ سۋ قۇبىرلارى بولەك بولادى, ەرەكشەلەنەتىن تۇستەرگە بويالادى جانە ءبىر-بىرىمەن قوسىلمايدى.
14. وبەكتىلەردى كارىزدەنبەگەن ەلدى مەكەندەرگە ورنالاستىرۋ كەزىندە جەرگىلىكتى كارىزدەۋ قۇرىلعىسى كوزدەلەدى. سارقىندى سۋدى قابىلداۋعا ارنالعان بەتوندالعان شۇڭقىردىڭ قاقپاعى بولۋى جانە كولەمىنىڭ ۇشتەن ەكىسىنەن اسپاي جيناقتالۋىنا قاراي تازارتىلادى.
15. وندىرىستىك جانە تۇرمىستىق سۋدى ءتيىستى تازارتۋسىز اشىق سۋ قويمالارىنا, سونداي-اق ءسىڭىرۋ قۇدىقتارى قۇرىلعىلارىنا شىعارۋعا جول بەرىلمەيدى.
16. شيكىزاتتى جانە دايىن ءونىمدى وندىرۋگە, ساقتاۋعا ارنالعان ءۇي-جايلاردا تۇرمىستىق سارقىندى سۋ وتكىزگىش قۇبىرلارىن سالۋعا جول بەرىلمەيدى.
17. باستاپقى ونىمدەردى, جارتىلاي ونىمدەردى, قالدىقتاردى جيناۋ, ساقتاۋ جانە تاسىمالداۋ تاسىلدەرى قورشاعان ورتا وبەكتىلەرىنىڭ لاستانۋ مۇمكىندىگىن بولدىرماۋى جانە ونەركاسىپتىك قالدىقتاردى زارارسىزداندىرۋ جانە تازارتۋ بويىنشا جۇمىستىڭ بارلىق كەزەڭدەرىندە جۇمىس ىستەيتىن پەرسونالدىڭ قاۋىپسىزدىگى قامتاماسىز ەتىلەدى.
18. وندىرىستىك ءۇي-جايلاردىڭ ىشىندە ورنالاستىرىلعان ءۇي-جايدىڭ اۋاسىنا زياندى نەمەسە قاتتى ءيىسى بار باستاپقى ونىمدەردى, جارتىلاي ونىمدەردى جيناۋ ورىندارى اۋا تارتقىش جەلدەتكىشى بار ارنايى جابىنمەن جابدىقتالادى.
19. وندىرىستىك ءۇي-جايلاردى جوسپارلاۋ:
1) تەحنولوگيالىق پروتسەستىڭ اعىمدىلىعىن;
2) ادامدار مەن تەحنولوگيالىق اعىنداردىڭ قيىلىسۋىن بولدىرماۋدى;
3) تازالىق دارەجەسى بىردەي ءۇي-جايلاردى بارىنشا كوپ توپتاۋدى, باستاپقى شيكىزاتتىڭ, جارتىلاي ونىمدەر مەن دايىن زاتتاردىڭ ءار الۋان تۇرلەرى مەن سەريالارىنىڭ ارالاسۋىن بولدىرماۋ ءۇشىن جابدىقتار مەن ماتەريالداردى ءتيىمدى ورنالاستىرۋدى, سانيتاريالىق-گيگيەنالىق رەجيم شارتتارىن تولىق ساقتاۋدى;
4) باستاپقى شيكىزاتتى, جارتىلاي ونىمدەردى جانە دايىن ونىمدەردى عيماراتتىڭ ىشىندە جانە ءبىر عيماراتتان ەكىنشىگە اۋىستىرعان كەزدە لاستانۋدان قورعاۋدى قامتاماسىز ەتەدى.
20. ءۇي-جايلاردى ىشكى ارلەۋ ءۇشىن جەڭىل ىلعالدى جينالاتىن جانە دەزينفەكتسيالاۋ قۇرالدارىمەن وڭدەلەتىن ماتەريالدار قولدانىلادى.
21. وندىرىستىك ءۇي-جايلار ۋلتراكۇلگىن ساۋلەلەگىشتەرمەن (بۇدان ءارى - ۋك-ساۋلەلەنۋ) جابدىقتالادى.
22. پكو مەن اقگق ءوندىرۋ بويىنشا وبەكتىلەرىندە سانيتاريالىق-تۇرمىستىق ءۇي-جايلار كوزدەلەدى.
23. وندىرىستىك ءۇي-جايلار سانيتاريالىق-تۇرمىستىق, قىزمەتتىك, اكىمشىلىك ءۇي-جايلاردان وقشاۋلانادى.
24. سانيتاريالىق-تۇرمىستىق ءۇي-جايلاردى جەكە عيماراتقا ورنالاستىرعان جاعدايدا وندىرىستىك ءۇي-جايلارعا جىلى وتپە جول كوزدەلەدى.
25. سانيتاريالىق-تۇرمىستىق ءۇي-جايلاردىڭ قۇرامىنا سىرتقى, جەكە جانە سانيتاريالىق كيىم مەن اياق كيىمگە ارنالعان جەكە كيىم ىلەتىن ورىندار, تازا كيىمدى ساقتاۋعا ارنالعان كيىم-كەشەك بولمەسى, كىر ارنايى كيىمدى قابىلداۋعا ارنالعان ءۇي-جاي, سەبەزگى جانە قول جۋعا ارنالعان راكوۆينالار, كيىم جانە اياق كيىم كەپتىرەتىن ورىن, اسحانا نەمەسە تاماق ىشۋگە ارنالعان بولمە, كىر جۋاتىن ورىن جانە جيناۋ مۇكاممالىن ساقتاۋعا ارنالعان ءۇي-جاي كىرەدى.
26. سانيتاريالىق كيىمدى ساقتاۋ اشىق تاسىلمەن جۇزەگە اسىرىلادى, ول ءۇشىن تۇرمىستىق ءۇي-جايلاردىڭ كيىم ىلەتىن ورىندارى كيىم ىلگىشتەرمەن نەمەسە اشىق شكافتارمەن, اياق كيىمگە ارنالعان تۇعىرىقتارمەن جابدىقتالادى.
ءۇي جانە ارنايى كيىمدى ساقتاۋعا ارنالعان ورىنداردىڭ سانى بارلىق اۋىسىمدارداعى جۇمىسشىلاردىڭ سانىنا تەڭ قابىلدانادى.
سانيتاريالىق كيىم مەن ءۇي كيىمىن بىرگە ساقتاۋعا جول بەرىلمەيدى.
27. وبەكتىدە مەديتسينالىق پۋنكت ۇيىمداستىرىلادى.
28. پەرسونال ءۇشىن 10 جۇمىسشىعا 1-ەۋ ەسەبىمەن سانيتاريالىق-تەحنيكالىق اسپاپتارمەن جابدىقتالاتىن سەبەزگىسى جانە دارەتحاناسى بار كيىم ىلەتىن ورىن جابدىقتالادى.
29. جۇمىسشىلارعا ارنالعان اسحانا نەمەسە بۋفەت تۇرمىستىق ءۇي-جايلاردىڭ قۇرامىندا نەمەسە جەكە تۇرعان عيماراتتا ورنالاستىرىلادى. وندىرىستىك ءۇي-جايلاردا تاماق ىشۋگە جول بەرىلمەيدى.
30. اسحاناعا كىرەتىن جەردە كيىمدەرگە ارنالعان كيىم ىلگىشتەر, ىستىق جانە سۋىق سۋى كەلتىرىلگەن, سابىنمەن جانە ەلەكترلى سۇلگىمەن جاراقتالعان قولجۋعىشتار ورناتىلادى.
31. وندىرىستىك جابدىق تەحنولوگيالىق پروتسەستىڭ ۇزدىكسىزدىگىن جانە پايدالانۋ پروتسەسىندە زارارسىزدىق جاعدايىن قامتاماسىز ەتەتىندەي بولىپ ورنالاسادى.
32. حيميالىق زاتتاردىڭ اسەرىنە, تەمپەراتۋرانىڭ اسەرىنە ءتوزىمسىز جانە ولارمەن جاناساتىن ورتاعا زياندى حيميالىق زاتتاردى بولۋگە قابىلەتتى ماتەريالداردان جاسالعان جابدىققا جول بەرىلمەيدى.
33. سۇيىق زياندى جانە (نەمەسە) قاتتى ءيىسى بار زاتتارعا ارنالعان دوزالايتىن اپپاراتۋرا ولاردىڭ شامادان تىس تولۋىن ەسكەرتەتىن قۇرىلعىلارمەن جاراقتالادى.
34. سۋسىمالى زاتتاردى تيەۋ جانە ءتۇسىرۋ شاڭ ءبولىنۋدى بولدىرمايتىن تاسىلمەن جۇزەگە اسىرىلادى.
35. سۇيىق شيكىزاتتى تيەۋ جابىق كوممۋنيكاتسيالار بويىنشا جۇزەگە اسىرىلادى. زياندى جانە (نەمەسە) قاتتى ءيىسى بار زاتتاردىڭ ەرىتىندىلەرىن اشىق اعىسپەن بەرۋگە جول بەرىلمەيدى.
36. ءۇي-جايلاردى جيناۋدى سىعىلعان اۋامەن جۇرگىزۋگە, ءۇي-جايلاردى جانە جۇمىس بەتتەرىن جۋ ءۇشىن ورگانيكالىق ەرىتىندىلەرىن پايدالانۋعا جول بەرىلمەيدى. جيناۋ جۋ قۇرالدارىنىڭ سۋ ەرىتىندىلەرىن پايدالانا وتىرىپ جۇرگىزىلەدى.
37. تەحنولوگيالىق پروتسەستى وبەكتىنىڭ پەرسونالى ورىندايدى جانە باقىلايدى.
38. پكو مەن اقگق-نى الۋ تەحنولوگياسىنداعى بارلىق وزگەرىستەرگە حالىقتىڭ سانيتاريالىق-ەپيدەميولوگيالىق سالاۋاتتىلىعى سالاسىنداعى مەملەكەتتىك ورگان ۆەدومستۆوسىنىڭ سانيتاريالىق-ەپيدەميولوگيالىق قورىتىندىسىن العاننان كەيىن جانە قاۋىپسىز ەڭبەك جاعدايىن, قورشاعان ورتانى قورعاۋدى قامتاماسىز ەتەتىن جانە دايىن ءونىمنىڭ تۇتىنۋشىلىق ساپاسىن تومەندەتۋدى تۋدىرمايتىن ءىس-شارالار جۇزەگە اسىرىلعاننان كەيىن جول بەرىلەدى.
3. پارفيۋمەرلىك-كوسمەتيكالىق ونىمدەر مەن اۋىز قۋىسى گيگيەناسى قۇرالدارىن ساقتاۋعا جانە
وتكىزۋگە قويىلاتىن سانيتاريالىق-ەپيدەميولوگيالىق تالاپتار
39. شيكىزاتتىڭ, قوسالقى ماتەريالدار مەن رەاكتيۆتەردىڭ ءار الۋان تۇرىنە پكو جانە اقگق دايىنداۋشى-كاسىپورىننىڭ بەكىتىلگەن نورماتيۆتىك نەمەسە تەحنيكالىق قۇجاتتاماسى بولادى.
40. كاسىپورىن الاتىن شيكىزاتتىڭ, ماتەريالداردىڭ, رەاكتيۆتەردىڭ ءاربىر پارتياسى قاپتاماسىنىڭ بۇتىندىگىن, تاڭبالانۋىن جانە ساپاسى مەن قاۋىپسىزدىگىن كۋالاندىراتىن قۇجاتتاردىڭ بولۋىن تەكسەرۋ ارقىلى كىرۋ باقىلانۋىنا جاتادى.
41. شيكىزات, ماتەريالدار, رەاكتيۆتەر رەگلامەنتتەلگەن ساقتاۋ مەرزىمى ىشىندە ولاردىڭ ساقتالۋىن قامتاماسىز ەتەتىن جانە ارالاسۋى مەن لاستانۋىن بولدىرمايتىن جاعدايلاردى ساقتاي وتىرىپ, نەگىزگى وندىرىستەن وقشاۋلانعان ارنايى ءۇي-جايلاردا ساقتالادى.
42. شيكىزاتتىڭ, ماتەريالدار مەن رەاكتيۆتەردىڭ جارامسىز دەپ تانىلعان پارتيالارى تاڭبالانادى جانە ولاردىڭ وندىرىستىك پروتسەسكە كەزدەيسوق ءتۇسىپ كەتۋىن بولدىرماۋ ءۇشىن بولەك ساقتالادى.
43. قويما ءۇي-جايلارىنىڭ شىعارىلاتىن ءونىم, قوسالقى ماتەريالدار جانە شيكىزات نومەنكلاتۋراسىنا سايكەس كەلەتىن قۋاتى بولادى. كولەمدەرى, كونسترۋكتسياسى جانە ورنالاسۋى ءونىمدى ءتيىمدى ورنالاستىرۋعا, جيناۋ جۇمىسىن جانە باسقا دا قاجەتتى تەحنيكالىق وپەراتسيالاردى جۇرگىزۋگە مۇمكىندىك بەرەدى. دايىن ءونىم ستەللاجداردا جانە (نەمەسە) تۇعىرىقتاردا ساقتالادى.
44. شيكىزاتتى, جارامسىز دەپ تانىلعان شيكىزاتتى قابىلداۋ جانە ورنالاستىرۋ ءۇشىن, دايىن ءونىمدى تۇتىنۋشىعا جىبەرگەنگە دەيىن ساقتاۋ ءۇشىن بولەك ءۇي-جايلاردى (نەمەسە ايماقتاردى) كوزدەۋ قاجەت.
45. قويمادا ۋىتتى جانە تەز تۇتانعىش زاتتاردى ساقتاۋعا ارنالعان بولەك ءۇي-جايلار (ايماقتار) كوزدەلەدى.
46. ءوندىرىس ايماعىنا كىرۋشىلەردىڭ بارلىعى, ونىڭ ىشىندە ۋاقىتشا جانە تۇراقتى جۇمىس ىستەيتىن جۇمىسكەرلەر, كاسىپورىندا جۇمىس ىستەمەيتىندەر جەكە گيگيەنا قاعيدالارىن ساقتايدى.
47. وندىرىستىك ءۇي-جايلاردا ارنايى كيىم كيىپ ءجۇرۋ قاجەت. ارنايى كيىمدى جانە ءۇي كيىمىن بىرگە ساقتاۋعا جول بەرىلمەيدى.
48. پكو جانە اقگق-نى وتكىزۋ وتكىزىلەتىن ءونىمنىڭ سايكەستىگىن باعالاۋدان وتكەن (راستاۋ) قۇجاتتارى بولعان جاعدايدا جابدىقتالعان ساۋدا وبەكتىلەرى نەمەسە بولىمدەرى ارقىلى جۇزەگە اسىرىلادى.
49. پكو جانە اقگق-نى قويمادا جانە وتكىزۋ نۇكتەلەرىندە ساقتاۋ جانە تاسىمالداۋ ءونىمنىڭ ساپاسى مەن قاۋىپسىزدىگىن قامتاماسىز ەتەتىن جاعدايلاردى ساقتايدى.
50. پكو جانە اقگق-نى ساقتاۋ جانە وتكىزۋ تاعام ونىمدەرىنەن, قۇرىلىس جانە ارلەۋ ماتەريالدارىنان, اۆتوبولشەكتەردەن, جانار-جاعار ماي ماتەريالدارىنان بولەك جۇزەگە اسىرىلادى.
51. پكو جانە اقگق بەلگىلەنگەن جارامدىلىق مەرزىمى ىشىندە دايىن ءونىم قاسيەتىنىڭ ساقتالۋىن قامتاماسىز ەتەتىن تۇتىنۋشىلىق ىدىسى بولعان جاعدايدا وتكىزىلەدى.
52. جارامدىلىق مەرزىمى وتكەن, تۇتىنۋشىلىق ىدىسىندا اقاۋى بار جانە ساقتاۋ جاعدايلارى بۇزىلعان پكو مەن اقگق-نى وتكىزۋگە جول بەرمەيدى.
بۇيرىق قازاقستان رەسپۋبليكاسىنىڭ ادىلەت مينيسترلىگىندە 2015 جىلعى 3 ساۋىردە نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №10623 بولىپ ەنگىزىلدى.