2015 جىلعى 25 اقپان, استانا قالاسى
پايدا بولۋ جانە تارالۋ قاۋپى تونگەن كەزدە شەكتەۋ ءىس-شارالارى, ونىڭ ىشىندە كارانتين ەنگىزىلەتىن ينفەكتسيالىق اۋرۋلار تىزبەسىن بەكىتۋ تۋرالى
«حالىق دەنساۋلىعى جانە دەنساۋلىق ساقتاۋ جۇيەسى تۋرالى» 2009 جىلعى 18 قىركۇيەكتەگى قازاقستان رەسپۋبليكاسى كودەكسىنىڭ 144-بابىنىڭ 6-تارماعىنا جانە 150-بابىنىڭ 4-تارماعىنا سايكەس بۇيىرامىن:
1. قوسا بەرىلىپ وتىرعان پايدا بولۋ جانە تارالۋ قاۋپى تونگەن كەزدە شەكتەۋ ءىس-شارالارى, ونىڭ ىشىندە كارانتين ەنگىزىلەتىن ينفەكتسيالىق اۋرۋلار تىزبەسى بەكىتىلسىن.
2. قازاقستان رەسپۋبليكاسى ۇلتتىق ەكونوميكا مينيسترلىگىنىڭ تۇتىنۋشىلاردىڭ قۇقىقتارىن قورعاۋ كوميتەتى زاڭنامادا بەلگىلەنگەن تارتىپپەن:
1) وسى بۇيرىقتىڭ قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلۋىن;
2) وسى بۇيرىق مەملەكەتتىك تىركەلگەننەن كەيىن كۇنتىزبەلىك ون كۇن ىشىندە ونىڭ مەرزىمدى باسپا باسىلىمدارىندا جانە «ادىلەت» اقپاراتتىق-قۇقىقتىق جۇيەسىندە رەسمي جاريالانۋعا جىبەرىلۋىن;
3) وسى بۇيرىقتىڭ قازاقستان رەسپۋبليكاسى ۇلتتىق ەكونوميكا مينيسترلىگىنىڭ رەسمي ينتەرنەت-رەسۋرسىندا ورنالاستىرىلۋىن قامتاماسىز ەتسىن.
3. وسى بۇيرىقتىڭ ورىندالۋىن باقىلاۋ جەتەكشىلىك ەتەتىن قازاقستان رەسپۋبليكاسىنىڭ ۇلتتىق ەكونوميكا ۆيتسە-مينيسترىنە جۇكتەلسىن.
4. وسى بۇيرىق العاشقى رەسمي جاريالانعان كۇنىنەن باستاپ كۇنتىزبەلىك ون كۇن وتكەن سوڭ قولدانىسقا ەنگىزىلەدى.
قازاقستان رەسپۋبليكاسىنىڭ ۇلتتىق ەكونوميكا ءمينيسترى ە. دوساەۆ
«كەلىسىلگەن»
قازاقستان رەسپۋبليكاسىنىڭ دەنساۋلىق ساقتاۋ جانە الەۋمەتتىك دامۋ ءمينيسترى
___________ ت. دۇيسەنوۆا
2015 جىلعى 25 اقپان
قازاقستان رەسپۋبليكاسى ۇلتتىق ەكونوميكا ءمينيسترىنىڭ
2015 جىلعى 25 اقپانداعى № 130 بۇيرىعىمەن بەكىتىلگەن
پايدا بولۋ جانە تارالۋ قاۋپى تونگەن كەزدە شەكتەۋ ءىس-شارالارى,
ونىڭ ىشىندە كارانتين ەنگىزىلەتىن ينفەكتسيالىق اۋرۋلار تىزبەسى
№ جۇقپالى اۋرۋلاردىڭ اتاۋى
1. وبا
2. تىرىسقاق
3. سارى قىزبا
4. ۆيرۋستى گەمورراگيالىق قىزبالار
5. اۋىر قاتتى رەسپيراتورلىق سيندروم (اقرس)
6. ۆيرۋستىڭ جاڭا كىشى تۇرىنەن پايدا بولعان ادام تۇماۋى
7. حالىقارالىق مەديتسينالىق-سانيتاريالىق ەرەجەلەرىنىڭ (2005) № 2 قوسىمشاسىنا سايكەس حالىقارالىق ماڭىزى بار قوعامدىق دەنساۋلىق ساقتاۋ سالاسىنداعى توتەنشە جاعدايلاردىڭ پايدا بولاتىن باسقا دا ينفەكتسيالىق اۋرۋلار
بۇيرىق قازاقستان رەسپۋبليكاسىنىڭ ادىلەت مينيسترلىگىندە 2015 جىلعى 26 ناۋرىزدا نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №10527 بولىپ ەنگىزىلدى.