استانا. 25 ءساۋىر. قىتايدىڭ سولتۇستىك-باتىسىندا, شەنسي پروۆينتسياسىنداعى شاحتادا بولعان اپاتتان 11 كەنشى ءىز-ءتۇزسىز جوعالىپ كەتتى. بۇل تۋرالى تاسس اقپارات اگەنتتىگىنە سىلتەمە جاساعان egemen.kz ءتىلشىسى حابارلادى.
وقيعا ياوچجوۋ ۋەزدىندە, بۇگىن جەرگىلىكتى ۋاقىت بويىنشا ساعات 08:00-دە بولدى. ارنايى قۇرىلعان توپ قۇتقارۋ امالدارىن جۇرگىزىپ جاتىر. اپاتتىڭ نەدەن شىققانى ازىرگە بەلگىسىز, شاحتادا سونىمەن قاتار تەرگەۋ امالدارى ءجۇرىپ جاتىر.
ايتا كەتەيىك, اسپاناستى ەلىندە بۇل قىزمەتتەن جىل سايىن مىڭداعان كەنشى جۇمىس ورنىنداعى اپاتتان مەرت بولادى. مالىمەتتەر بويىنشا ولاردىڭ كوبىسى تەحنيكالىق قاۋىپسىزدىكتىڭ ساقتالماعانىنان ورىن الادى.
ايان ءابدۋالي.
دەرەك: تاسس.
فوتو: ntv.ru.