استانا. 24 ءساۋىر. ءۇندىستاندا سوڭعى ەكى اپتا ىشىندە بولعان اپتاپ ىستىقتان 200 ادام كوز جۇمدى. بۇل تۋرالى inform.kz-كە سىلتەمە جاساعان egemen.kz ءتىلشىسى حابارلادى.
وسىعان دەيىن 150 ادامنىڭ قايتىس بولعانى تۋرالى اقپارات تاراعان. ولاردىڭ جارتىسىنا جۋىعى اندحرا-پرادەش پەن تەلەنگان شتاتتارىنىڭ تۇرعىندارى. مالىمەت بويىنشا, بۇل ماڭايدا اۋا تەمپەراتۋراسى 47 گرادۋسقا دەيىن كوتەرىلگەن.
ءۇندىستاننىڭ دەنساۋلىق ساقتاۋ مينيسترلىگى اۋىز سۋ تاپشىلىعىنىڭ سالدارىنان 330 ميلليون ادامنىڭ ومىرىنە قاۋىپ ءتونىپ تۇرعانىن مالىمدەدى.
ايتا كەتەيىك, بۇل مەملەكەتتە ەڭ ىستىق ۋاقىت ءساۋىر مەن ماۋسىم ايلارىنىڭ ارالىعى بولىپ ەسەپتەلەدى. وتكەن جىلى اپتاپ ىستىقتىڭ سالدارىنان 2,5 مىڭنان استام ادام باقيلىق بولعان.
ايان ءابدۋالي.
دەرەك, فوتو: inform.kz.