الماتى. 23 ءساۋىر. الماتىداعى ع.مۇسىرەپوۆ اتىنداعى قازاق مەملەكەتتىك اكادەميالىق بالالار مەن جاسوسپىرىمدەر تەاترى 20-30 ءساۋىر ارالىعىندا تۇركيانىڭ كونيا قالاسىندا بولاتىن «مىڭ تىنىس – ءبىر داۋىس» اتتى حالىقارالىق تەاترلار فەستيۆالىنە قاتىسادى. بۇل تۋرالى تەاتردىڭ ءباسپاسوز قىزمەتىنە سىلتەمە جاساعان egemen.kz ءتىلشىسى حابارلادى.
تۇركيادان بولەك, ازەربايجان, مولداۆيا, بولگاريا, ماكەدونيا, كيپر, گرۋزيا, قىتاي مەملەكەتتەرىنىڭ ونەر وردالارى قاتىساتىن جارىسقا قازاقستان اتىنان اتالعان تەاتر ۇجىمى جولداما العان بولاتىن.
وسىمەن توعىزىنشى مارتە ۇيىمداستىرىلىپ وتىرعان بۇل فەستيۆالگە تەاتر ۇجىمى گەورگي حۋگاەۆتىڭ «قارا شەكپەن» قويىلىمىن دايىنداعان. قازاق كورەرمەندەرىنىڭ دە قوشەمەتىنە بولەنىپ جۇرگەن سپەكتاكلدىڭ قويۋشى رەجيسسەرى – قازاقستاننىڭ ەڭبەك سىڭىرگەن قايراتكەرى اسحات ماەميروۆ.
تۇركيادا دانيار بازارقۇلوۆ, اسەت ەسجان, ەدىل رامازانوۆ, جانار ماقاشەۆا, ءسانيا ەرزات, دارحان سۇلەيمەنوۆ, ەرلان كارىباەۆ, گۇلباحرام بايبوسىنوۆا, ەربول سادىرباەۆ, ەربول ىدىرىسوۆ, گاۋحار ساعىنعاليەۆا, تولقىن نۇربەكوۆا, قۋانىش تۇردالين, ءمولدىر قونىسقىزى, دينارا شىمىرباەۆا, ەلدار وتارباەۆ سىندى قازاق اكتەرلەرى ءوز ونەرلەرىن كورسەتەدى.
«قارا شەكپەن» سپەكتاكلى 26 ءساۋىر كۇنىتۇركيادا كورەرمەندەر نازارىنا ۇسىنىلادى.
ايناش ەسالي.
دەرەك فوتو: ع.مۇسىرەپوۆ اتىنداعى قازاق مەملەكەتتىك اكادەميالىق بالالار مەن جاسوسپىرىمدەر تەاترىنىڭ ءباسپاسوز قىزمەتى.