وسكەمەن. 1 ءساۋىر. قازاقستان رەسپۋبليكاسى جوعارعى سوتى جانىنداعى سوتتاردىڭ قىزمەتىن قامتاماسىز ەتۋ دەپارتامەنتىنىڭ باسشىسى ءىلياس يسپانوۆتىڭ وكىمىنە سايكەس, شىعىس قازاقستان وبلىسى اكىمشىلىك سوتىنىڭ توراعاسى بولىپ ەرعالي ورىنبەك ۇلى ايتپاي تاعايىندالدى. بۇل تۋرالى وبلىستىق سوتتىڭ ءباسپاسوز قىزمەتىنە سىلتەمە جاساعان egemen.kz ءتىلشىسى حابارلادى.
ەرعالي ايتپاي 1981 جىلى 5 قاراشادا تۋعان. 2002 جىلى د.قوناەۆ اتىنداعى ۋنيۆەرسيتەتتىڭ زاڭگەر ماماندىعىن ءبىتىردى. ەڭبەك جولىن 2002 جىلى جامبىل وبلىسىنىڭ ادىلەت ورگانىندا باستاعان. وسىدان سوڭ ادىلەت مينيسترلىگىندە 2007 جىلعا دەيىن قىزمەت ەتتى. 2007-2011 جىلدار ارالىعىندا ءماجىلىس دەپۋتاتىنىڭ كومەكشىسى جانە ءماجىلىس اپپاراتى زاڭناما ءبولىمىنىڭ كونسۋلتانتى بولدى. 2011 جىلى قوستاناي وبلىسى سوت كەڭسەسى جەتەكشىسىنىڭ ورىنباسارى لاۋازىمىن اتقارعان. 2013 جىلدىڭ مامىر ايىنان قاراشا ايىنا دەيىن استانا قالاسى نوتاريالدى پالاتاسىنىڭ توراعاسى, 2013 جىلدىڭ قاراشا ايىنان بۇگىنگە دەيىن باتىس قازاقستان وبلىسى بويىنشا اكىمشىلىك سوتىنىڭ جەتەكشىسى قىزمەتىن اتقاردى.
دۋمان اناش.
دەرەك, فوتو: شىعىس قازاقستان وبلىستىق سوتىنىڭ ءباسپاسوز قىزمەتى.