جىل سايىن كوكتەمگى, كۇزگى ناۋقاننىڭ الدىندا ۇيىمداستىرىلاتىن ءداستۇرلى «اگروقوستاناي-2026» كورمەسىنە اۋىلشارۋاشىلىق تەحنيكالارىن وندىرۋشىلەر, ساتۋشىلار, ديلەرلەر, فەرمەرلەر, سەرۆيستىك جانە قارجىلىق كومپانيالار قاتىستى, دەپ حابارلايدى Egemen.kz.
كورمە الاڭىنا وتاندىق جانە شەتەلدىك زاۋىتتاردان شىققان اۋىلشارۋاشىلىق تەحنيكالارى, اگرەگاتتار, قوسالقى بولشەكتەر, تۇقىم سۇرىپتارى, تىڭايتقىشتار قويىلدى.
«كورمە جۇمىسىندا ادەتتەگىدەي سالانىڭ جاڭا جەتىستىكتەرى كورسەتىلەدى. اۋىل شارۋاشىلىعىنىڭ بۇگىنگى وزەكتى ماسەلەلەرى تالقىعا تۇسەدى. مەملەكەت باسشىسى وسى جىلدى «تسيفرلاندىرۋ جانە جاساندى ينتەللەكت جىلى» دەپ جاريالاعانىن بىلەسىزدەر. سوندىقتان قازىر اگرارلىق سەكتوردى تسيفرلاندىرۋعا ەرەكشە دەن قويىلىپ وتىر. تەحنولوگيالىق شەشىمدەر ەنگىزۋ, تەحنيكانى قاشىقتان باسقارۋ, ءوندىرىستى تولىق اۆتوماتتاندىرۋ, روبوتتاندىرۋ وسى كۇننىڭ باستى قاجەتتىلىگىنە اينالدى. بيىلعى كورمە وسى باعىتتا ءوتىپ جاتىر», دەيدى وبلىستىق اۋىل شارۋاشىلىعى جانە جەر قاتىناستارى باسقارماسىنىڭ باسشىسى يبراگيم بەكمۇحامەدوۆ.
ۇلتتىق ورتالىق مۋزەيدە «التىن وردا» جاڭا كورمە زالى اشىلادى
باسقارما باسشىسىنىڭ ايتۋىنشا, قوستاناي وبلىسى الداعى كوكتەمگى ەگىس ناۋقانىندا 5,1 ملن گەكتار ءدان ەگۋدى جوسپارلاپ وتىر. بيىل اۋىل شارۋاشىلىعىن قولداۋعا 85 ملرد تەڭگە بولىنگەن. شارۋالار وسى ايدان باستاپ سۋبسيديا الا باستايدى. ارزانداتىلعان جانارماي دا جەتكىزىلە باستاعان.
بىرەگەي ارحەولوگيالىق جادىگەرلەر كورمەسى
كورمە اياسىندا «سولتۇستىك اليانس» اگرارلىق فورۋمى ءوتتى. جيىندا كوكتەمگى ەگىسكە دايىندىق ماسەلەسى, سۋبسيديالاۋ ەرەجەلەرىنە ەنگىزىلگەن وزەرىستەر تالقىلاندى.
الماتىدا ۇلتتىق ويۋ-ورنەك داستۇرىنە ارنالعان كورمە اشىلدى