استانادا قالاسىندا جاڭا تۋعان نارەستەسىن ساتقان جاس اناعا قاتىستى قىلمىستىق ءىس قوزعالدى, دەپ حابارلايدى Egemen.kz.
استانا قالاسىنىڭ پروكۋراتۋراسى جاڭا تۋعان بالانى زاڭسىز بەرۋ فاكتىسى بويىنشا قىلمىستىق ءىس بويىنشا مەملەكەتتىك ايىپتاۋدى قولداۋدى قامتاماسىز ەتتى.
انىقتالعانداي, ەلوردانىڭ 19 جاستاعى تۇرعىنى دەلدالدار ارقىلى جۇكتىلىكتىڭ سەگىزىنشى ايىندا جالعان سۋرروگات انا بولۋ شارتى نەگىزىندە ءوزىنىڭ جاڭا تۋعان بالاسىن ەرلى-زايىپتىعا اقشالاي سىياقى ءۇشىن بەرگەن.
سەمەيدە قوقىستان جاڭا تۋعان ءسابيدىڭ ءمايىتى تابىلدى
سوتتىڭ ۇكىمىمەن قىز جانە دەلدالدار قازاقستان رەسپۋبليكاسى قىلمىستىق كودەكسىنىڭ 135-بابى «كامەلەتكە تولماعاندار ساۋداسى» بويىنشا كىنالى دەپ تانىلدى. سوتتالۋشىلارعا پروباتسيالىق باقىلاۋ بەلگىلەنە وتىرىپ, شارتتى تۇردە 8 جىل باس بوستاندىعىنان ايىرۋ جازاسى تاعايىندالدى.
بالانىڭ قۇقىقتارى مەن زاڭدى مۇددەلەرىن قورعاۋ ماقساتىندا ول كامەلەتكە تولماعاندارعا ارنالعان مامانداندىرىلعان مەكەمەگە ورنالاستىرىلدى. سونىمەن قاتار, استانا قالاسى اكىمدىگىنىڭ «مامانداندىرىلعان بالالار ءۇيى» كمم-ءنىڭ تالاپ-ارىزى بويىنشا اناسى اتا-انا قۇقىقتارىنان ايىرىلدى.
استانا قالاسىنىڭ پروكۋراتۋراسى بالالارعا قاتىستى زاڭسىز مامىلەلەر قىلمىستىق جاۋاپتىلىققا اكەپ سوعاتىنىن جانە قۇقىق قورعاۋ ورگاندارىنىڭ ەرەكشە باقىلاۋىندا ەكەنىن ەسكە سالادى.
پاۆلوداردا جاڭا تۋعان ءسابيىن 800 مىڭ تەڭگەگە ساتپاق بولعان ايەل ۇستالدى
بۇعان دەيىن قىزىلوردادا جاڭا تۋعان ءسابيىن ساتپاق بولعان 25 جاستاعى ايەل ۇستالدى.