التى جىلعا باس بوستاندىعىنان ايىرىلعان شىعىس قازاقستان وبلىسى اكىمىنىڭ بۇرىنعى ءبىرىنشى ورىنباسارى جاقسىلىق وماردىڭ اپەللياتسيالىق سوتى ءوتتى, دەپ حابارلايدى Egemen.kz.
شىعىس قازاقستان وبلىسى اكىمىنىڭ بۇرىنعى ورىنباسارى جاقسىلىق وماردىڭ اپەللياتسيالىق شاعىمىن ءوڭىردىڭ قىلمىستىق ىستەر جونىندەگى سوت القاسى قارادى. بۇرىنعى شەنەۋنىككە شىعارىلعان ۇكىم وزگەرىسسىز قالدىرىلدى.
«سوت القاسى ءبىرىنشى ساتىداعى سوتتىڭ سوتتالعان ادامنىڭ ارەكەتتەرىن دۇرىس سارالاعانى, جازا ءتۇرى مەن مولشەرىنىڭ زاڭ تالاپتارىنا قاتاڭ سايكەس تاعايىندالعانى تۋرالى قورىتىندىعا كەلدى. سونىمەن قاتار مەملەكەتتىك بيلىكتىڭ بەدەلىنە جانە قوعامنىڭ وعان دەگەن سەنىمىنە نۇقسان كەلتىرەتىن اۋىر سىبايلاس جەمقورلىق قىلمىسىنىڭ جوعارى قوعامدىق قاۋىپتىلىك دارەجەسى ەسكەرىلدى», دەدى سۋديا ساۋلە بەكىشەۆا.
القا وسكەمەن قالاسىنىڭ قىلمىستىق ىستەر جونىندەگى اۋدانارالىق سوتىنىڭ 2026 جىلعى 3 ساۋىردەگى جاقسىلىق ومارعا قاتىستى ۇكىمىن وزگەرىسسىز قالدىرۋ تۋرالى قاۋلى شىعاردى.
«اپەللياتسيالىق شاعىمدار قاناعاتتاندىرۋسىز قالدىرىلسىن. قاۋلى جاريالانعان ساتتەن باستاپ زاڭدى كۇشىنە ەنەدى», دەپ وقىپ بەردى سۋديا.
ايتا كەتەيىك, وسكەمەننىڭ بۇرىنعى اكىمى جاقسىلىق ومار 6 جىلعا سوتتالدى. سوت ونى الاياقتىق جاساعانى جانە پارا العانى ءۇشىن كىنالى دەپ تانىعان.