تالعار قالاسىندا الاياقتار «دجەكي چاننىڭ بەينەسىن» پايدالانىپ, زەينەتكەردى الداۋعا ارەكەت جاسادى, دەپ حابارلايدى Egemen.kz.
الدىمەن ەر ادامعا ەمحانادان حابارلاسىپ, «ۆاكتسيناتسياعا جازىلۋدى راستاۋ» قاجەت ەكەنىن ايتقان. جاعداي شىنايى كورىنگەن, سەبەبى ول جاقىندا راسىمەن دە ەكپە كەزەگىنە تۇرعان. سول سەبەپتى زەينەتكەر SMS-كودتى ايتىپ جىبەرگەن.
كەيىن «ەكىنشى جەلى» قوسىلىپ, ءوزىن قارجىلىق مونيتورينگ قىزمەتكەرى رەتىندە تانىستىرعان ادام بەينەبايلانىسقا شىققان. ول دجەكي چان بەينەسىمەن كورىنىپ, زەينەتكەردىڭ اتىنا نەسيە راسىمدەلىپ جاتقانىن ايتىپ, شۇعىل تۇردە «شوتتاردى قورعاۋدى» ۇسىنعان.
بۇل جاعدايعا پوليتسيا ارالاسىپ, پروتسەستى توقتاتقان. ەر ادامدى حالىققا قىزمەت كورسەتۋ ورتالىعىنا اپارىپ, ەتسق كىلتىن اۋىستىرعان.
ايتا كەتەيىك, اقمولادا الاياقتارعا الدانعان كاسىپكەر 24 ملن تەڭگەسىنەن ايىرىلدى.