«قىز جىبەك» فيلمىندەگى كامزولعا بايلانىستى قوعامدا قىزۋ تالقىلانعان داۋدان سوڭ تاريحي كينورەكۆيزيتتەردى باقىلاۋ كۇشەيتىلمەك. بۇل تۋرالى مادەنيەت جانە اقپارات ۆيتسە-ءمينيسترى ەۆگەني كوچەتوۆ مالىمدەدى, دەپ حابارلايدى Egemen.kz.
ونىڭ ايتۋىنشا, اڭىزعا اينالعان فيلمدەگى تاريحي كوستيۋم الداعى ۋاقىتتا «قازاقفيلم» مۋزەيىنىڭ قورىنا رەسمي تۇردە تابىستالادى. مينيسترلىك بۇل ماسەلە بويىنشا قازاقستاننىڭ حالىق ءارتىسى مەرۋەرت وتەكەشەۆامەن كەلىسسوز جۇرگىزگەن.
اكتريسا كوستيۋمنىڭ تولىق تۇپنۇسقا جيىنتىعى جينالعاننان كەيىن, تەك كامزولدى ەمەس, بۇكىل تاريحي كيىمدى مەملەكەت قاراماعىنا بەرۋگە نيەت بىلدىرگەن.
مۇنداي جاعدايلاردىڭ قايتالانباۋى ءۇشىن مينيسترلىك قازاقستاندىق كينووندىرىستە قولدانىلعان بارلىق كوستيۋمدەر مەن رەكۆيزيتتەردى تسيفرلاندىرۋ جۇمىسىن باستاعان. ماماندار ولاردى بىرىڭعاي ەلەكتروندى بازاعا ەنگىزبەك.
سونداي-اق ۆيتسە-مينيستر الەۋمەتتىك جەلىلەردە كەڭىنەن تالقىلانعان كەڭەستىك كەزەڭ اكتەرلەرىنىڭ الەۋمەتتىك جاعدايىنا قاتىستى پىكىرلەرگە دە توقتالدى. ونىڭ سوزىنشە, مەملەكەت ساحنا ارداگەرلەرىمەن تۇراقتى بايلانىستا بولىپ, زاڭ اياسىندا قاجەتتى قولداۋ كورسەتىپ كەلەدى.
ەسكە سالايىق, وسى وقيعادان كەيىن پروديۋسەر بايان الاگوزوۆا حالىق ءارتىسى مەرۋەرت وتەكەشەۆاعا ءومىر بويى اي سايىن 1 ميلليون تەڭگە كولەمىندە جەكە زەينەتاقى تولەيتىنىن جانە پاتەر سىيلايتىنىن جاريالاعان ەدى.