كوكشەتاۋ قالاسىنىڭ تۇرعىندارى قالا ورتالىعىنداعى مۇسىندەردىڭ جاعدايىنا نارازىلىق ءبىلدىرىپ وتىر. ورتالىقتاعى تانىمال ساۋلەتتىك كومپوزيتسيا قيراپ, كەيبىر بولىكتەرى سىنىپ كەتكەن, داپ جازادى Egemen.kz.
قالا امفيتەاترى مەن تانىمال ساۋدا ءۇيىنىڭ جانىندا ورنالاسقان بۇل كومپوزيتسيا ادام مەن تابيعاتتىڭ بايلانىسىن بەينەلەيدى. بۇل اۋماق قالا تۇرعىندارى مەن قوناقتارى ءجيى سەرۋەندەپ, دەمالاتىن ورنى.
تۇرعىنداردىڭ ايتۋىنشا, ساۋلەتتىك ونەردىڭ كۇيى كۇن سايىن ناشارلاپ بارادى. مۇسىندەردە جارىقتار پايدا بولىپ, بوياۋى سىدىرىلعان. ال تۇلپاردى اۋىزدىقتاپ تۇرعان جىگىت ءمۇسىنىنىڭ قولى تەمىر قاڭقاعا دەيىن سىنىپ تۇسكەن.
اكىمدىكتەگىلەر تۇرعىنداردى تىنىشتاندىرىپ, تەك وسى نىسان ەمەس, جالپى مادەني نىساندار مەن توعىز ساياباق اۋماعىن رەتكە كەلتىرۋ جوسپارلانىپ وتىرعانىن ايتقان. بۇل جوندەۋ جۇمىستارىنا 16 ميلليون تەڭگە قاراستىرىلعان.
قالالىق تۇرعىن ءۇي-كوممۋنالدىق شارۋاشىلىق ءبولىمى وكىلىنىڭ ايتۋىنشا, بيىل مەردىگەر ۇيىممەن ءۇش جىلدىق كەلىسىمشارت جاسالعان جانە قازىرگى ۋاقىتتا جوندەۋ جۇمىستارىنا سمەتالىق قۇجاتتاما ازىرلەنىپ جاتىر.
ەسكە سالايىق, وسكەمەندەگى ساياباقتان جاقسىلىق ۇشكەمپىروۆتىڭ قۇرمەتىنە ورناتىلعان ءمۇسىن جوعالىپ كەتكەن بولاتىن.