ەكى ەلدىڭ رەسمي دەلەگاتسيا مۇشەلەرىنىڭ قاتىسۋىمەن وتكەن كەلىسسوز بارىسىندا ساياسي, ساۋدا-ەكونوميكالىق جانە مادەني-گۋمانيتارلىق ىنتىماقتاستىق پەرسپەكتيۆاسى قاراستىرىلدى, دەپ جازادى Egemen.kz.
مەملەكەت باسشىسى كەنيا قازاقستاننىڭ افريكا قۇرلىعىنداعى ماڭىزدى ءارى سەنىمدى سەرىكتەستەرىنىڭ ءبىرى ەكەنىن اتاپ ءوتتى.
«كەنيا – افريكانىڭ قارقىندى دامىپ كەلە جاتقان جانە وزىق ەلدەرىنىڭ ءبىرى. گەوگرافيالىق تۇرعىدان ەلدەرىمىز الشاق ورنالاسسا دا, ءبىزدى جاڭعىرۋعا دەگەن ۇمتىلىس پەن بولاشاققا سەنىمدى كوزقاراس بىرىكتىرەدى. قازاقستان ەۋرازيا جۇرەگىندە ورىن تەپكەن, ال كەنيا شىعىس افريكانىڭ ەكونوميكالىق ورتالىعى سانالادى. بۇل ەكىجاقتى سەرىكتەستىكتى كەڭەيتۋ تۇرعىسىنان ايرىقشا مانگە يە. ءبىز نارىقتاردى جانە كولىك باعدارلارىن بايلانىستىرىپ, ينۆەستيتسيالار مەن تىڭ مۇمكىندىكتەرگە جول اشۋ ارقىلى ورتالىق ازيا مەن افريكا اراسىنا دانەكەر بولا الامىز. جاڭا عانا ەكىجاقتى قارىم-قاتىناستىڭ نەگىزگى باعىتتارىن تالقىلاپ, حالىقارالىق كۇن ءتارتىبى جونىندە پىكىر الماستىق. ەلدەرىمىزدىڭ جاھاندىق ماسەلەلەرگە قاتىستى ۇستانىمدارى ۇقساس. ءبىز بەيبىت سىرتقى ساياسات جۇرگىزىپ, مۋلتيلاتەراليزم قاعيداتىنا ساي الەمدىك ءتارتىپتى دايەكتى تۇردە جاقتاپ كەلەمىز. قازاقستان تاراپى ورتاق ماقساتتاردى ءوزارا ءتيىمدى ءارى ناقتى جوبالارعا ۇلاستىرۋعا دايىن. بۇگىنگى ساپار بارىسىندا قول جەتكىزىلگەن كەلىسىمدەر قازاقستان مەن كەنيا ىنتىماقتاستىعىن جاڭا جانە ساپالى دەڭگەيگە كوتەرەتىنىنە سەنىمدىمىن», دەدى قاسىم-جومارت توقاەۆ.پرەزيدەنت ءوزارا ساۋدا مەن ينۆەستيتسيا مۇمكىندىكتەرىن كەڭەيتۋ ءۇشىن ىسكەرلىك كەڭەس قۇرۋدى ۇسىندى.
استاناعا كەنيا رەسپۋبليكاسىنىڭ پرەزيدەنتى كەلدى
ۋيليام رۋتو قاسىم-جومارت توقاەۆپەن 2023 جىلى نيۋ-يورك قالاسىندا وتكەن بۇۇ باس اسسامبلەياسىنىڭ سەسسياسى اياسىندا كەزدەسكەنىن اتاپ ءوتتى.
ول وسى جۇزدەسۋ ەكى ەلدىڭ اراسىندا 1993 جىلى قالانعان قارىم-قاتىناستى ودان ءارى نىعايتۋعا نەگىز بولعانىن جەتكىزدى.
«پرەزيدەنت مىرزا, نايروبي قالاسىندا تۇراقتى ەلشى تاعايىنداۋ تۋرالى شەشىمىڭىز ءسىزدىڭ جانە ۇكىمەتىڭىزدىڭ قازاقستان مەن كەنيا اراسىنداعى بايلانىستاردى ىلگەرىلەتۋگە ماڭىز بەرىپ وتىرعاندارىڭىزدى بايقاتادى. مەنىڭ ساپارىم – ەلدەرىمىزدىڭ ىنتىماقتاستىعىن نىعايتۋدى كوزدەيتىن ناقتى قادام. وعان ەش كۇمان جوق. ءوزارا ساۋدا-ساتتىقتى ارتتىرۋ باعىتىندا ايتارلىقتاي الەۋەتىمىز بار دەپ ويلايمىن», دەدى كەنيا پرەزيدەنتى.تاراپتار ساۋدا-ساتتىق, اۋىل شارۋاشىلىعى, كولىك-لوگيستيكا, تاۋ-كەن ءوندىرىسى, جاڭارتىلاتىن ەنەرگيا كوزدەرى, اقپاراتتىق تەحنولوگيالار, ەلەكتروندىق ۇكىمەت, عارىش, قارجى جانە تۋريزم سەكىلدى سالالاردا سەرىكتەستىكتى نىعايتۋ پەرسپەكتيۆاسىن تالقىلادى.
تاۋەلسىزدىك سارايىندا كەنيا پرەزيدەنتىن رەسمي قارسى الۋ ءراسىمى ءوتتى
مەملەكەتتەر باسشىلارى مادەني-گۋمانيتارلىق باعىتتا جوعارى وقۋ ورىندارىنىڭ اراسىندا تىعىز بايلانىستى جولعا قويۋعا, تۋريزم باستامالارىن ءوزارا قولداۋعا جانە بيوالۋانتۇرلىلىكتى ساقتاۋ ىسىندە تاجىريبە الماسۋعا مۇمكىندىك مول ەكەنىن اتاپ ءوتتى.
بۇعان دەيىن مەملەكەت باسشىسى كەنيا پرەزيدەنتىمەن شاعىن قۇرامدا كەلىسسوز جۇرگىزدى.