اتىراۋدا ۇشەم دۇنيەگە كەلدى

وبلىستىق دەنساۋلىق ساقتاۋ باسقارماسىنىڭ دەرەگىنە سۇيەنسەك, اتا-اناسى ۇشەمدى قىمبات, سىمبات جانە قاراقات ەسىمىمەن اتادى. ۇشەمنىڭ سالماعى بىردەي ەمەس. ونىڭ ءبىرى – 1 921, ەكىنشىسى – 2 275, ال ءۇشىنشىسى – 2 204 گرامم. ولاردىڭ بويى 44-45 سم ارالىعىن قۇراعان.

«بۇل وتباسى وسى كەزگە دەيىن ءبىر ۇل جانە ەكى قىز تاربيەلەنىپ كەلگەن. ۇشەمنىڭ دۇنيەگە كەلۋىمەن شاڭىراقتاعى بالا سانى التاۋعا جەتتى. وبلىستا ۇشەمنىڭ دۇنيەگە كەلۋى سيرەك كەزدەسەدى. سوڭعى رەت ۇشەم 2024 جىلى تىركەلدى. ال بىلتىر وبلىسا 13 906 ءسابي دۇنيەگە كەلدى», دەپ حابارلادى باسقارمانىڭ ءباسپاسوز قىزمەتى.

بۇعان دەيىن, 30 قاڭتار كۇنى شىمكەنت قالالىق پەريناتالدىق ورتالىعىندا ۇشەم دۇنيەگە كەلدى. ۇشەم 11 تاۋلىك ورتالىق دارىگەرلەرىنىڭ باقىلاۋىندا بولىپ, كەشە ۇيلەرىنە شىعارىلعان.