فرانتسيادا ءوتىپ جاتقان G7 ءسامميتى اياسىندا دونالد ترامپ پەن ۆلاديمير زەلەنسكي كەزدەسۋ وتكىزدى, دەپ حابارلايدى Egemen.kz.
شامامەن جارتى ساعاتقا سوزىلعان كەلىسسوزدەر ءسامميتتىڭ رەسمي باعدارلاماسىنان تىس ءوتتى.
كەزدەسۋدەن كەيىن ترامپ, زەلەنسكي مەن ەممانيۋەل ماكرون G7 ءسامميتىنىڭ جۇمىسىنا قاتىستى.
زەلەنسكيدىڭ ايتۋىنشا, G7 ەلدەرى ۋكراينانىڭ اۋە قورعانىسىن كۇشەيتۋ جونىندە ورتاق ۇستانىمعا كەلگەن. سونداي-اق ول بۇل ماسەلەنى ترامپپەن جەكە تالقىلاعانىن, ۋكراينادا بالليستيكالىق زىمىراندارعا قارسى جۇيەلەر ءوندىرۋ مۇمكىندىگىن كوتەرگەنىن ايتتى.
كەيىن جۋرناليستەرگە پىكىر بىلدىرگەن دونالد ترامپ كەلىسسوزدى «وتە جاقسى ءوتتى» دەپ باعالاپ, رەسەيدىڭ كەلىسىمگە كەلۋى قاجەت ەكەنىن مالىمدەدى.
«رەسەي كەلىسىمگە كەلۋى كەرەك. ولار (رەسەي مەن ۋكراينا) وتە كوپ سارباز جوعالتىپ جاتىر. مۇنداي جاعداي ەكىنشى دۇنيەجۇزىلىك سوعىستان بەرى بولعان جوق», دەدى ول.
ەسكە سالا كەتەيىك, بۇعان دەيىن ۆلاديمير زەلەنسكي رەسەي پرەزيدەنتىنە سوعىستى توقتاتۋدى ۇسىنىپ, اشىق حات جولداعان ەدى. سونداي اق ول قاقتىعىستى قىسقا دەيىن توقتاتۋ كەرەكتىگىن ايتىپ, مالىمدەمە جاسادى.