قازاقستاندا الداعى رەسپۋبليكالىق رەفەرەندۋم قارساڭىندا اۋقىمدى اقپاراتتىق-ءتۇسىندىرۋ جۇمىستارى جالعاسىپ جاتىر. جاڭا كونستيتۋتسيا جوباسى تۋرالى ءتۇرلى انىقتامالىق جانە تانىمدىق ماتەريالدار قوعامدىق ورىنداردا, سونىڭ ىشىندە حالىققا قىزمەت كورسەتۋ ورتالىقتارى مەن مەديتسينالىق مەكەمەلەردە كەڭىنەن تاراتىلعان, دەپ جازادى Egemen.kz.
ەل اۋماعىنداعى «ازاماتتارعا ارنالعان ۇكىمەت» مەملەكەتتىك كورپوراتسياسىنىڭ بارلىق 322 فرونت-وفيسىندە ارنايى اقپاراتتىق باننەرلەر ورنالاستىرىلعان. بۇعان قوسا, كۇتۋ زالدارى مەن قىزمەت كورسەتۋ ايماقتارىنداعى 3 مىڭنان استام قوسىمشا مونيتوردا وزەكتى بەينەكونتەنت كورسەتىلەدى. حقكو-دىڭ نەگىزگى اقپاراتتىق الاڭ رەتىندە تاڭدالۋى مۇندا كەلۋشىلەر سانىنىڭ جوعارىلىعىمەن تۇسىندىرىلەدى: ورتا ەسەپپەن بۇل ورتالىقتار كۇنىنە 63 مىڭعا جۋىق ازاماتتى قابىلدايدى.
بيبىگۇل جەكسەنباي: كونستيتۋتسيانى تالقىلاۋ – قوعامنىڭ ورتاق جاۋاپكەرشىلىگى
سونىمەن قاتار اقپاراتتاندىرۋ جۇمىستارى مەديتسينالىق ينفراقۇرىلىم ەسەبىنەن دە كەڭەيىپ جاتىر. بۇگىندە ەلىمىز بويىنشا 545 مەديتسينالىق مەكەمە جاڭا كونستيتۋتسيا مەن الداعى رەفەرەندۋم تۋرالى اقپارات تاراتاتىن قوسىمشا نۇكتەلەرگە اينالدى.
بۇل باعىتتاعى جۇمىس اسىرەسە رەسپۋبليكالىق ماڭىزى بار قالالاردا قارقىندى: الماتىدا – 76, شىمكەنتتە – 60, ال استانادا 31 مەكەمە قامتىلعان. وبلىستار اراسىندا تۇركەستان (45), اتىراۋ (34) جانە اقمولا (32) وڭىرلەرىندەگى مەديتسينالىق نىسانداردا اقپاراتتىق ناۋقان بەلسەندى ءجۇرىپ جاتىر.
قازاقستاندا اۆتوبۋستار جاڭا كونستيتۋتسيا جوباسى تۋرالى اقپارات تاراتۋ الاڭىنا اينالدى
وسىلايشا, جۇيەلى قۇلاعدار ەتۋ شارالارى ازاماتتار ءجيى باراتىن نىساندار اينالاسىندا شوعىرلانعان. بۇل ءتاسىل رەفەرەندۋم مەن داۋىس بەرۋ پروتسەدۋرالارى تۋرالى مالىمەتتەردىڭ قاراپايىم حالىققا بارىنشا قولجەتىمدى بولۋىن قامتاماسىز ەتەدى.
ەلىمىزدىڭ سپورتشىلارى مەن ونەر يەلەرى جاڭا كونستيتۋتسيا جوباسىن قولدادى