وسكەمەن. 1 ءساۋىر. وسكەمەن قالاسىنىڭ حيميا-بيولوگيا باعىتىنداعى نازارباەۆ زياتكەرلىك مەكتەبىنىڭ وقۋشىسى انەل ورازعاليەۆا كوكشەتاۋ قالاسىندا جالپى ءبىلىم بەرەتىن پاندەر بويىنشا وتكەن رەسپۋبليكالىق وليمپيادادا ءى ورىن يەلەندى. بۇل تۋرالى اتالعان مەكتەپتىڭ ءباسپاسوز قىزمەتىنە سىلتەمە جاساعان egemen.kz ءتىلشىسى حابارلادى.
انەل بۇعان دەيىن 9-10-سىنىپتاردا رەسپۋبليكالىق وليمپيادالاردا جۇلدەگەر اتانعان. ال 2013-2014 وقۋ جىلىندا جالپى ءبىلىم بەرەتىن پاندەر بويىنشا شىمكەنتتە وتكەن رەسپۋبليكالىق وليمپيادانىڭ ءىىى ىرىكتەۋ كەزەڭىندە ءىى ورىندى, سونىمەن قاتار وسى وليمپيادانىڭ وسكەمەندەگى كەزەڭىندە ءىىى ورىندى يەلەندى.
اقش-تا ستۋدەنتتەرگە ارنالعان FLEX باعدارلاماسى بويىنشا ءبىر جىل ءبىلىم العان. بيولوگيا ءپانىنىڭ مۇعالىمى تاتيانا دجەجەريانىڭ ايتۋىنشا, انەل ورازعاليەۆا 12-ءشى سىنىپتىڭ وقۋشىسى جانە جوعارى دەڭگەيدەگى جارىسقا قاتىسۋ ماقساتىندا ءبىلىمىن جەتىلدىرۋدە. رەسپۋبليكالىق وليمپيادادان كەيىن استانا قالاسىندا پاندىك ءبىلىمىن تەرەڭدەتە تۇسۋگە مۇمكىندىك الدى. بيىل مەكتەپتى ءتامامدايتىن ول جازدا ۆەتنامنىڭ حانوي قالاسىندا وتەتىن XXVII حالىقارالىق IBO وليمپياداسىنا بيولوگيا ءپانى بويىنشا قاتىسۋدى جوسپارلاپ وتىر.
دۋمان اناش.
دەرەك, فوتو: وسكەمەن قالاسىنداعى نازارباەۆ زياتكەرلىك مەكتەبىنىڭ ءباسپاسوز قىزمەتى.