استانا. 29 ناۋرىز. سوڭعى ۋاقىتتارى نيۋ-يوركتە مۇسىلمانداردى اڭدىپ, سوڭدارىنا تىڭشى سالىپ قويۋدى قايتا قالپىنا كەلتىرۋ تۋراسىندا تاعى اڭگىمە قوزعالىپ جاتىر. بۇل تۋرالى Planet Today دەرەگىنە سىلتەمە جاساعان egemen.kz ءتىلشىسى حابارلادى.
اقش پرەزيدەنتتىگىنە ۇمىتكەر تەد كرۋزدىڭ ايتۋىنشا, وسى «تابىستى» باعدارلاما ساياسي سوقىرلىقتان توقتاپ قالعان, سونىڭ سالدارىنان قازىر نيۋ-يوركتىڭ كەز كەلگەن جەرى تەررورشىلار ءۇشىن تاپتىرمايتىن قولايلى مەكەن بولىپ تۇر.
«ماسەلە مىنادا, - دەپ اتاپ كورسەتەدى وسى ورايدا Newsweek, - ءتىپتى ساياسي سوقىرلىقتان باس تارتقان كۇننىڭ وزىندە بۇل باعدارلاما ءاۋ باسىنان ءساتسىز ءبىر قادام ەدى. ونىڭ بار ماقساتى 11 قىركۇيەكتەن كەيىن مۇسىلمانداردى پوليتسيانىڭ باقىلاۋىندا ۇستاۋ بولدى. وسى ارقىلى ولاردىڭ قالاي شابۋىل دايىنداپ جاتقاندارىن نازاردا ۇستالماق بولدى».
پوليتسيا وسى ماقساتقا جەتۋ ءۇشىن كۇندىز-ءتۇنى مەشىتتەردە كەزەكشىلىك قۇردى, مۇسىلماندار تۇراتىن عيماراتتارعا باقىلاۋ كامەرالارى ورناتىلدى, ولاردىڭ سويلەگەن سوزدەرى جازىلىپ الىنىپ جاتتى. ال باعدارلامانىڭ قورىتىندى ناتيجەسى ناتيجەسىز بولىپ شىقتى. وسى تەكسەرىس بويىنشا ەشكىمگە ايىپ تاعىلعان جوق, ەشكىم قامالعان جوق, ءتىپتى ولاردى تەررورشىلارعا الىپ باراتىن بىردە-ءبىر تۇيتكىل تابىلمادى».
البەتتە, بۇل ۋاقىتتا نيۋ-يورككە قاۋىپ توندىرەتىن ەشقانداي وقيعا بولمادى دەپ تە ايتا المايمىز, دەپ جازادى باسىلىم بۇدان ءارى. الايدا, مۇسىلمانداردى ۇدايى باقىلاپ, ولاردىڭ سوڭدارىنا ءتۇسىپ وتىرۋدىڭ ەشقانداي ناتيجە بەرمەگەنى تاعى انىق.
سوندىقتان 2011 جىلى قولعا الىنعان باعدارلامانى 2014 جىلى توقتاتۋعا تۋرا كەلدى. ول قىرۋار اقشانى جەلگە شاشىپ جىبەرگەنمەن بىردەي بولىپ شىقتى. ەندى سول باعدارلامانىڭ ارقاسىندا نيۋ-يورك تۇرعىندارىنىڭ قاۋىپ-قاتەرسىز تۇرعاندارىن ايعاقتايتىن ناقتى دەرەك تە جوق.
تالعات رايىمبەك.
دەرەك, فوتو: Planet Today.