كەشە قازاقستان رەسپۋبليكاسى ورتالىق سايلاۋ كوميسسياسىنىڭ توراعاسى قۋاندىق تۇرعانقۇلوۆتىڭ قازاقستان رەسپۋبليكاسى پارلامەنتى ءماجىلىسى دەپۋتاتتارىنىڭ كەزەكتەن تىس سايلاۋىن بايقاۋ جونىندەگى ەقىۇ/دياقب ميسسياسىنىڭ باسشىسى بوريس فرلەتسپەن كەزدەسۋى بولدى.
كەزدەسۋگە ەقىۇ/دياقب ميسسياسى باسشىسىنىڭ ورىنباسارى پولين ماريا لەموس, قر وسك مۇشەلەرى, سونداي-اق, ەقىۇ/دياقب-نىڭ سايلاۋ جانە قۇقىق ماسەلەلەرى جونىندەگى ماماندارى قاتىستى.
ورتسايلاۋكوم باسشىسى فرلەتسكە ەقىۇ/دياقب ميسسياسىنىڭ قازاقستان رەسپۋبليكاسى پارلامەنتى ءماجىلىسى دەپۋتاتتارىنىڭ كەزەكتەن تىس سايلاۋىن بايقاۋ جونىندەگى جۇمىسىنا, سونداي-اق, ۇسىنعان ۇسىنىمدارى ءۇشىن العىس ءبىلدىردى.
«ءبىز ەقىۇ/دياقب-نىڭ الدىن الا تۇجىرىمدار مەن قورىتىندىلار تۋرالى مالىمدەمەسىمەن مۇقيات تانىسىپ شىقتىق. ءبىز ميسسيانىڭ سايلاۋدى ۇيىمداستىرۋشىلاردىڭ ادال جۇمىسىن جوعارى باعالاعانىنا قۋانىشتىمىز», – دەپ اتاپ ءوتتى ق.تۇرعانقۇلوۆ.
ەقىۇ/دياقب ميسسياسىنىڭ باسشىسى ءوز كەزەگىندە قر وسك تاراپىنان كەزدەسۋ ۇيىمداستىرىلعانىنا, سونداي-اق, كورسەتىلگەن كومەك پەن ىنتىماقتاستىق ءۇشىن ريزاشىلىعىن ءبىلدىردى.
كەزدەسۋ بارىسىندا ەقىۇ/دياقب مەن قر وسك ساراپشىلارىنىڭ ءوزارا ءىس-قيمىلىن ۇيىمداستىرۋعا بايلانىستى ماسەلەلەر تالقىلاندى.
«ەقىۇ/دياقب ميسسياسىمەن ىنتىماقتاستىق اياسىنداعى وڭ تاجىريبەنى ەسكەرە وتىرىپ, ءبىز ەلەكتوراتتىق ناۋقان جونىندەگى ءوز پىكىرىمىزدى جەتكىزۋ ءۇشىن ەقىۇ/دياقب ساراپشىلارىمەن تىعىز قارىم-قاتىناستا جۇمىس ىستەۋگە دايىن ەكەنىمىزدى بىلدىرەمىز, ءبىزدىڭ پىكىرىمىزگە قۇلاق اسىپ, ەسكەرەتىندەرىڭىزگە سەنىم بىلدىرەمىز», – دەپ اتاپ ءوتتى ورتسايلاۋكوم باسشىسى.
كەزدەسۋ سوڭىندا ق.تۇرعانقۇلوۆ «ءبىز ەقىۇ/دياقب ميسسياسىنىڭ بارلىق ساراپشىلارىنا جۇرگىزگەن جۇمىسى ءۇشىن العىسىمىزدى ايتامىز جانە بۇدان ءارى جەمىستى ىنتىماقتاستىقتا بولاتىنىمىزعا سەنىم بىلدىرەمىز», – دەدى.
ءاليسۇلتان قۇلانباي,
«ەگەمەن قازاقستان».