استانا. 28 ناۋرىز. ورال قالاسىنداعى «شىعىس جۇلدىزى» سۇلۋلىق سالونىندا بەتىنە كوسمەتيكالىق ارلەۋ جاساتقان ايەل ادام قايتىس بولدى. بۇل تۋرالى tengrinews.kz-كە سىلتەمە جاساعان egemen.kz ءتىلشىسى حابارلادى.
كوسمەتيكالىق ارلەۋ جاساتقان 39 جاستاعى ايەل ادام جەدەل جاردەم كەلگەنشە جان تاپسىرعان. قوڭىراۋ شالۋشى اياق استىنان ءبىر ايەلدىڭ قينالا باستاعانىن بايقاپ, ساعات 12:25-تە جەدەل جاردەم شاقىرتادى. وقيعا بولعان جەرگە بەس مينۋت ىشىندە, ياعني 12:30-دا دارىگەرلەر كەلگەندە دەنەسىنەن جانى شىعىپ كەتكەن.
بەلگىلى بولعانداي, ايەل ادامنىڭ جاعدايى ناشارلاماي تۇرىپ, ەكى بەتىنە ينەكتسيا جاسالعان. قازىرگى تاڭدا باتىس قازاقستان وبلىسى ىشكى ىستەر دەپارتامەنتىنىڭ جەدەل توبى مامانداردىڭ قانداي ءدارىنى قولدانعانىن جانە ونىڭ نە سەبەپتى كەرى اسەر ەتكەنىن انىقتاۋدا.
ايان ءابدۋالي.
دەرەك: tengrinews.kz.
فوتو: perfectionspa.ru.