قاراعاندى. 28 ناۋرىز. بريتان بوكسشىسى امير حان (31-3, 19 كو) ەگەر دە ساۋل «كانەلو» الۆارەستى (46-1-1, 32 كو) جەڭىپ, ونىڭ چەمپيوندىق اتاعىن يەلەنەر بولسا, WBC بەلبەۋىن قورعاۋ ءۇشىن گەننادي گولوۆكينمەن (34-0, 31 كو) جەكپە-جەككە شىعۋى مۇمكىن. بۇل تۋرالى boxingnews24.com سايتىنا سىلتەمە جاساعان egemen.kz ءتىلشىسى حابارلادى.
«گولوۆكينمەن جەكپە-جەك تۋرالى ايتۋ ازىرگە قيىنداۋ. «كانەلونى» جەڭگەننەن كەيىن بۇل تۋراسىندا ءوزىمنىڭ كومانداممەن اقىلداسىپ, ءارى قاراي نە ىستەيتىنىمىزدى تالقىلايمىز. مەن ءالى 155 فۋنتتا جەكپە-جەككە تۇسكەن ەمەسپىن», دەدى امير حان.
ايتا كەتەيىك, 7 مامىردا امير حان اقش-تىڭ لاس-ۆەگاس قالاسىندا الۆارەسپەن جەكپە-جەك وتكىزەدى. بۇل كەزدەسۋدىڭ جەڭىمپازى 23 ساۋىردە دومينيك ۋوردپەن ايقاسقا تۇسەتىن گولوۆكينمەن مىندەتتى تۇردە كۇش سىناساتىن بولادى.
قايرات ءابىلدينوۆ.
دەرەك: boxingnews24.com.
فوتو: youfight.info.