استانا. 28 ناۋرىز. ءالجيردىڭ مالي مەملەكەتىمەن شەكارالاس ايماعىندا اسكەري تىكۇشاق اپاتقا ۇشىراپ, 12 ادام قازا تاپتى. بۇل تۋرالى ريا «نوۆوستي» اقپارات اگەنتتىگىنە سىلتەمە جاساعان egemen.kz ءتىلشىسى حابارلادى.
«سينحۋا» اگەنتتىگىنىڭ حابارلاۋىنشا, ەكى ادام اۋىر جاراقات الدى.
ءالجيردىڭ قورعانىس مينيسترلىگىنىڭ حابارلاۋىنشا, مي-171 اسكەري تىكۇشاعى 27 ناۋرىز كۇنى گرينۆيچۋ ۋاقىتى بويىنشا ساعات 18:00-دە ادرار پروۆينتسياسىندا اپاتقا ۇشىرادى. تەرگەۋ مالىمەتتەرىنە سايكەس, اپات تەحنيكالىق اقاۋلاردىڭ سالدارىنان بولعان. ال «رەيتەر» اگەنتتىگى وسىعان دەيىن تىكۇشاقتىڭ تامانراسسەت پروۆينتسياسىندا قۇلاعانىن حابارلاعان بولاتىن.
ايتا كەتەيىك, الجيردە مۇنداي وقيعا 2014 جىلدىڭ اقپان ايىندا دا بولعان. ول كەزدە اسكەري ۇشاق اپاتىنان بورتتاعى 77 ادام قازا تاپتى.
ايان ءابدۋالي.
دەرەك: ريا «نوۆوستي».
فوتو: 163gorod.ru.