استانا. 28 ناۋرىز. باتىستىڭ بۇقارالىق اقپارات قۇرالدارى سيرياداعى كونە پالميرا قالاسىنىڭ «يسلام مەملەكەتى» سودىرلارىنىڭ قولدارىنان قايتارىلۋى ماسكەۋ مەن اسادتىڭ ايتارلىي ءىرى جەڭىسى ەكەنىن مويىنداپ وتىر. بۇل تۋرالى The Washington Post گازەتىنىڭ دەرەگىنە سۇيەنگەن egemen.kz ءتىلشىسى حابارلادى.
پالميرا قالاسىنىڭ يم تەررورشىلارىنان ازات ەتىلۋى ىسكە رەسەي ارالاسقاننان كەيىن سيرياداعى جاعدايدىڭ قانشالىقتى وزگەرگەنىن كورسەتىپ بەردى, دەپ جازادى باسىلىم.
پالميرانىڭ ازات ەتىلۋى سيريا بيلىگى ءۇشىن اسا ماڭىزدى ستراتەگيالىق رول اتقارادى, دەپ اتاپ ءوتتى گازەت. ول يۋنەسكو-نىڭ بۇكىلالەمدىك مۇراسى قاتارىنا جاتاتىن كونە شاھاردىڭ الىنۋى ەلدىڭ پرەزيدەنتى باشار اسادتىڭ ايتارلىقتاي جەڭىسى ەكەنىنە توقتالعان. ماقالادا بۇل جەڭىستىڭ «سودىرلارعا اۋىر سوققىلار بەرىپ, اسادتىڭ پوزيتسياسىن نىعايتقان» رەسەيدىڭ دە جەڭىسى ەكەنىن ايتىلادى.
«بۇل شايقاس رەسەي ىسكە ارالاسقاننان كەيىن اسادتىڭ جاعدايى قالاي وزگەرگەنىن كەزەكتى رەت كورسەتىپ بەردى», دەپ قايتالايدى وسى ويدى WP The New York Times.
مۇنداي پوزيتسيانى The Guardian گازەتى ۇستانىپ وتىر. بريتانيالىق باسىلىم شولۋشىلارى بۇل رەتتە پالميرانىڭ ازات ەتىلۋى داماسكىدە دە, ماسكەۋدە دە «جاۋىنگەرلىك رۋحتى ايتارلىقتاي كوتەرە تۇسەتىنىن» اتاپ وتەدى.
«اساد ءۇشىن پالميرانىڭ الىنۋىنىڭ سيمۆولدىق تا, ستراتەگيالىق تا ءمانى بار. ونىڭ اسكەرلەرى ەندى يم استاناسى – راككاعا شابۋىل جاساۋدىڭ قولايلى پوزيتسياسىنا شىقتى», دەپ جازادى نەمىستىڭ Die Zeit گازەتى.
ساراپشىلاردىڭ پىكىرىنشە, پالميراداعى جەڭىلىس «يسلام مەملەكەتىنىڭ» سودىرلارىنا «سيريانىڭ ۇشى-قيىرسىز ءشول دالاسىنا ەگەلىك ەتۋدى» جوعالتۋىنا الىپ بارادى.
تالعات رايىمبەك.
دەرەك, فوتو: ras.kz.