ورال. 19 ناۋرىز. ورال قالاسىنداعى قادىر مىرزا ءالي اتىنداعى مادەنيەت جانە ونەر ورتالىعىندا بەلگىلى جازۋشى, دراماتۋرگ, اۋدارماشى, تاۋەلسىز «تارلان» سىيلىعىنىڭ يەگەرى روللان سەيسەنباەۆپەن « ۇلىلاردى ۇلىقتاعان تۇلعا» اتتى كەزدەسۋ كەشى ءوتتى. بۇل تۋرالى inform.kz-كە سىلتەمە جاساعان egemen.kz ءتىلشىسى حابارلادى.
شارا بارىسىندا باتىس قازاقستان وبلىسى اكىمدىگىنىڭ قولداۋىمەن باسىلعان بىرقاتار كىتاپ وقىرماندارعا تانىستىرىلدى. ولاردىڭ قاتارىندا ماحامبەتتىڭ «اينالايىن اق جايىق», جۇبان مولداعاليەۆتىڭ «كىسەن اشقان», قادىر مىرزا ءاليدىڭ «كوكپار», قايرات جۇماعاليەۆتىڭ «كيە», اقۇشتاپ باقتىگەرەەۆانىڭ «قايران قارلىعاشتار-اي» اتتى كىتاپتارى بار.
جازۋشى روللان سەيسەنباەۆ قازاق ادەبيەتىنىڭ الىپتارى جونىندە تەبىرەنە ءسوز قوزعاپ, ولاردىڭ مۇرالارىن كوزدىڭ قاراشىعىنداي ساقتاپ, كەيىنگى ۇرپاققا جەتكىزۋدىڭ, تالانتتاردى تىرىسىندە قادىرلەپ, تاڭداۋلى شىعارمالارىن تەك قازاقستان عانا ەمەس, سونىمەن قاتار شەت ەلدەردە دە شىعارۋدىڭ ماڭىزدىلىعىن اتاپ كورسەتتى. «مۇحتار اۋەزوۆ قانداي ۇلى جازۋشى بولسا, كەشەگى وتكەن ءابىش كەكىلباەۆ تا سونداي دەڭگەيدەگى تۇلعا. سول سياقتى قادىر مىرزا ءاليدى ءبىز كەڭىنەن ناسيحاتتاپ, قۇرمەتتەي بىلۋگە ءتيىستىمىز. وسى ورايدا اقىن اتىنداعى ورتالىق كيەلى ورىنعا اينالۋى كەرەك. مۇنداي ورتالىق ازىرگە ەلدە جوق. سوندىقتان باردى قادىرلەپ, وزىق دۇنيەلەرىمىزدى كورسەتە بىلەيىك», – دەدى جازۋشى.
تەمىر قۇسايىن.
دەرەك, سۋرەت: inform.kz.