شاعىم-ەسكەرتپەلەر تۇسكەن جوق

20 ناۋرىزعا بەلگىلەنگەن پارلامەنت ءماجىلىسى جانە بارلىق دەڭگەيدەگى ءماسلي­حاتتار سايلاۋىنا تاۋەلسىز باقىلاۋ جۇرگىزۋ ماقساتىمەن رەسپۋبليكالىق قوعام­دىق كوميسسيا قۇرىلعان بولاتىن. وسى كوميسسيانىڭ جەرگىلىكتى جەرلەردەگى قۇزى­رەتىن اتقارۋ مىندەتى ءار وبلىستاعى ارنايى ورتالىقتارعا جۇكتەلگەنى بەلگىلى. ماڭىزدى ساياسي ناۋقانعا تاۋەلسىز بايقاۋشى رەتىندە قاتىسقان تۇلعا­لار كىمدەر بولۋى ءتيىس؟ قانشا ادام بايقاۋشى رەتىندە قاتىستى دەگەن ساۋالدارىمىزدى ساي­لاۋدى بايقاۋ جونىندەگى رەسپۋبليكالىق كوميسسيانىڭ باتىس قازاقستان وبلىسى بويىنشا وڭىرلىك ورتالىعىنىڭ ءتورايىمى ۆەرا شوحيناعا جولداعان ەدىك. – ۆەرا كۋزمي­نيچ­نا, ساي­لاۋعا ءتاۋ­ەلسىز بايقاۋشى رە­تىندە تارتىلعان ادام­عا قان­داي تالاپتار قويىلدى؟ وسى ءجو­نىندە تولىعىراق ايتىپ بەرسەڭىز. – ساۋالىڭىز ورىن­دى. «سايلاۋ تۋرالى» قر زاڭىنىڭ 20-1-بابىنا سايكەس, تاۋەلسىز بايقاۋشىعا قويىلاتىن تالاپتار بار. ونى ءوزىڭىز ءبى­لەسىز. زاڭعا سايكەس, مەم­لە­كەتتىك قىز­مەتكەرلەر, بەل­گىلى ءبىر پار­تيانىڭ شتابىن­دا جۇمىس ىستەيتىندەر, دەپۋ­تاتتىققا كاندي­داتتاردىڭ ۇگىت-ناسيحاتىن ءجۇر­گىزەتىن ۆو­لونتەرلەر تاۋەلسىز ساراپشى بولا المايدى. ال زاڭدا كورسەتىلگەن تالاپتار مەن شەكتەۋلەردەن ادا, قوعامداعى ءتۇرلى قۇبىلىستارعا سەرگەك قاراپ, ازاماتتىق ۇستانىمىن ەركىن ءبىل­دىرەتىن كەز كەلگەن بەل­سەندى ازامات تاۋەلسىز باي­قاۋشى بو­لا الادى. ءبىز دە وسى باعىتتا جۇمىس ءىس­­­تەدىك. سايلاۋ كۇنى بايقاۋشىلارىمىز تي­ىستى ۋچاسكەلەرىنە باردى. ارنايى بەل­گى­لەنگەن ورىندا وتىرىپ, سايلاۋدىڭ ءوتۋ بارىسىن قا­داعالاپ, بيۋللەتەندەردى ساناۋعا, حاتتامانى تولتىرۋعا قاتىستى. سوڭىنان حاتتامانىڭ ءبىر داناسىن ءبىزدىڭ ورتالىققا اكەلىپ تاپسىردى. – جالپى, سوندا وبلىستا قانشا تاۋەلسىز بايقاۋشى جۇ­مىس ىستەدى؟ – باتىس قازاقستان وبلىسى بويىنشا سايلاۋدىڭ ءوتۋ بارىسىن 520 تاۋەلسىز باي­قاۋشى قاداعالادى. ونىڭ 117-ءسى ورال قالاسىنىڭ سايلاۋ ۋچاسكەلەرىندە بولدى. ءبىر ايتا كەتەرلىگى, بي­ىلعى باي­قاۋشىلاردىڭ نەگىزگى قۇ­رامى وتكەن پرەزيدەنت سايلاۋىنا قاتىسىپ, ۇلكەن ءتا­جىريبە جيناقتاعان ازاماتتاردان تۇر­دى. سايلاۋ الدىندا باي­قاۋشىلار ءۇشىن ارنايى سەمينار-ترەنينگتەر وتكىزىلدى, ماقسات-مىندەتتەرى ءتۇسىندىرىلدى. قولدارىنا باي­قاۋشى كۋالىگى, ەلەكتروندى جانە قاعاز نۇسقادا بايقاۋشى كۇندەلىگى بەرىلدى. سايلاۋ قورى­تىندىسىندا ءبىزدىڭ باي­قاۋشىلاردىڭ جۇمىسىنا قاتىستى ەشقانداي شاعىم-ەسكەرت­پە تۇسكەن جوق. جازىپ العان تەمىر قۇسايىن, «ەگەمەن قازاقستان». سۋرەتتى تۇسىرگەن رافحات حالەلوۆ.