قاراعاندى وبلىسىندا ەكى موتوتسيكلدىڭ قاتىسۋىمەن بولعان اپات ەكى ادامنىڭ ءومىرىن قيدى. تاعى ءبىر ادام جاراقات الدى. الدىن الا بولجام بويىنشا, قايعىلى جاعدايعا جول قوزعالىسى ەرەجەسىنىڭ ورەسكەل بۇزىلۋى سەبەپ بولعان, دەپ حابارلايدى Egemen.kz.
قايعىلى وقيعا قاراعاندىدان 300 شاقىرىم جەردە ورنالاسقان اعادىر كەنتىنىڭ ورتالىعىندا بولعان. مالىمەتتەرگە سۇيەنسەك, ەكى موتوتسيكل دە ءبىر باعىتتا قوزعالىپ كەلە جاتقان. ءبىر ساتتە اكەسىن مىنگەستىرىپ العان 17 جاستاعى بوزبالا باسىپ وزۋ ماقساتىندا قارسى بەتكە شىققان. الايدا الدىنان اۆتوكولىك كورىنگەن سوڭ, ول شۇعىل ءوز جولاعىنا قايتا ورالماق بولعان. سول مەزەتتە ەكىنشى موتوتسيكلمەن سوقتىعىسقان.
قوستاناي وبلىسىندا جول اپاتىنان 4 ادام قايتىس بولدى
ەكىنشى موتوتسيكل تىزگىنىندە 37 جاستاعى ەر ادام بولعان. سوققىنىڭ قاتتى بولعانى سونشالىق, ەكى جۇرگىزۋشى دە وقيعا ورنىندا ءتىل تارتپاي كەتكەن. ايتا كەتەرلىگى, ەكى ازامات تا قورعانىس دۋلىعاسىن (شلەم) كيمەگەن. ال ءجاسوسپىرىمنىڭ اكەسىن دارىگەرلەر قاراپ, ۇيىنە قايتارعان.
ءال-فارابي داڭعىلىنداعى جول اپاتى: كۇدىكتى تەرگەۋ يزولياتورىنا قامالدى
قازىرگى ۋاقىتتا اتالعان فاكتى بويىنشا ءتيىستى تەكسەرۋ جۇمىستارى جۇرگىزىلىپ جاتىر.
ەسكە سالايىق, 21 ناۋرىزعا قاراعان ءتۇنى الماتىدا جول اپاتى ءسالدارىنان ۇش ادام كوز جۇمدى. جول اپاتىنان كەيىن الماتىدا كولىك قوزعالىسىنا باقىلاۋ كۇشەيتىلىپ, پوليتسيا باسشىلارى قىزمەتىنەن بوساتىلدى.