اقش-تىڭ قارجى مينيسترلىگى رەسەي مۇنايى مەن مۇناي ونىمدەرىنە قاتىستى وپەراتسيالارعا سالىنعان شەكتەۋلەردى جەڭىلدەتۋ مەرزىمىن 16 مامىرعا دەيىن سوزدى, دەپ حابارلايدى Egemen.kz.
جاڭا ەرەجەگە سايكەس, ەگەر مۇناي ونىمدەرى تانكەرلەرگە 17 ساۋىرگە دەيىن تيەلگەن بولسا, ولارمەن جاسالاتىن ساۋدا كەلىسىمدەرىن اقش-تىڭ شىعىس جاعالاۋى ۋاقىتىمەن 16 مامىر ساعات 00:01-گە دەيىن جۇرگىزۋگە رۇقسات ەتىلەدى. بۇل ليتسەنزيا 11 ساۋىردە مەرزىمى اياقتالعان الدىڭعى قۇجاتتى تولىعىمەن الماستىرادى.
ورمۇز بۇعازى اشىلدى: يران ماڭىزدى تەڭىز جولىن قايتا ىسكە قوستى
دەگەنمەن, سانكتسيالىق جەڭىلدىكتەر قىرىم, دونباسس, سونداي-اق يران, كۋبا جانە سولتۇستىك كورەيامەن بايلانىستى مامىلەلەرگە قولدانىلمايدى. ۆاشينگتوننىڭ مۇنداي قادامعا بارۋىنا تاياۋ شىعىستاعى اقش پەن ءيزرايلدىڭ يرانمەن تەكەتىرەسى اياسىندا مۇناي باعاسىنىڭ كۇرت ءوسۋى جانە نارىقتى تۇراقتاندىرۋ قاجەتتىلىگى سەبەپ بولعان. بۇل شەشىم G20 اياسىنداعى تالقىلاۋلار مەن سەرىكتەستەردىڭ قىسىمىنان كەيىن قابىلداندى.
پارسى شىعاناعىنداعى سوعىستان مۇناي ەكسپورتى 44 پايىزعا قۇلدىراعان
قازىرگى ۋاقىتتا مۇناي نارىعىندا قۇبىلمالىلىق ساقتالىپ وتىر. ورمۇز بۇعازىنىڭ ۋاقىتشا اشىلۋىنان كەيىن باعا بەلگىلەنىمدەرى شامامەن 9%-عا تومەندەپ, باررەلىنە 90 دوللار ماڭايىندا تۇراقتادى.