ۇلتتىق كىتاپ كۇنى قارساڭىندا ەلىمىزدىڭ بارلىق وڭىرىندە «Weekend. Book. Vibes» اتتى اۋقىمدى ءىس-شارالار لەگى باستاۋ الدى. مادەنيەت جانە اقپارات مينيسترلىگى ۇيىتقى بولعان بۇل باستاما كىتاپ وقۋدى ناسيحاتتاۋعا, قوعامدا وقۋ مادەنيەتىن قالىپتاستىرۋعا جانە وسكەلەڭ ۇرپاقتىڭ ادەبيەتكە دەگەن ىقىلاسىن وياتۋعا باعىتتالعان, دەپ حابارلايدى Egemen.kz.
دەمالىس كۇندەرى رەسپۋبليكا بويىنشا كىتاپحانالار, مادەنيەت وشاقتارى مەن ءبىلىم بەرۋ ۇيىمدارى ناعىز رۋحاني ورتالىقتارعا اينالماق. باعدارلاما اياسىندا اشىق اسپان استىندا كىتاپ وقۋ الاڭدارى, شىعارمالار نەگىزىندە تۇسىرىلگەن فيلمدەردىڭ كورسەتىلىمى, كىتاپ كلۋبتارىنىڭ باسقوسۋلارى مەن بۇلدىرشىندەرگە ارنالعان ءتۇرلى تانىمدىق جوبالار ۇيىمداستىرىلادى.
قازاقستاندا كىتاپ اپتالىعى باستالدى
اباي وبلىسىندا بالالارعا ارنالعان «كىتاپ وقۋ الاڭدارى» اكتسياسى مەن «دەمالىس پەن كىتاپ – شابىت ۇندەستىگى» اتتى پوەزيا كەشى وتەدى.
اقمولا وبلىسىندا «مەن الەمدى كىتاپ ارقىلى بىلەمىن» ادەبي كەشى مەن «Quiz book: ءبىلىم بايگەسى» زياتكەرلىك ويىنى جوسپارلانعان.
اقتوبە وبلىسىندا «كىتاپ – ترەندتە!» اتتى ادەبي-تانىمدىق كەش وتكىزىلەدى.
جاس ورەندەردىڭ كىتاپ كورمەسى
باتىس قازاقستان وبلىسىندا وقۋشىلار ءۇشىن «كىتاپ كەيىپكەرلەرى سويلەيدى» اتتى ەرەكشە فورماتتاعى شارا ۇيىمداستىرىلماق.
جەتىسۋ وبلىسىندا «اقىندار مۇراسى» پوەزيا كەشى مەن زياتكەرلىك سايىستار وتەدى.
قىزىلوردا وبلىسىندا «كىتاپ – سارقىلماس قازىنا» اتتى اۋقىمدى وقۋ مارافونى ءوز مارەسىنە جەتپەك.
استانادا حالىقارالىق كىتاپ جارمەڭكەسى وتەدى
مينيسترلىكتىڭ ءباسپاسوز قىزمەتى حابارلاعانداي, بۇل جوبالاردىڭ بارلىعى قوعامنىڭ زياتكەرلىك الەۋەتىن ارتتىرۋعا جانە كىتاپتىڭ ادام ومىرىندەگى ءرولىن ايشىقتاۋعا نەگىزدەلگەن.