«اتىراۋ» فۋتبول كلۋبىن كوممەرتسيالاندىرۋ پروتسەدۋراسى رەسمي تۇردە اياقتالىپ, تاراپتار ءتيىستى مەموراندۋمعا قول قويدى. اشىق كونكۋرستا بەلگىلى كاسىپكەر, مۇناي ءوندىرۋ, تەمىرجول تاسىمالى جانە لوگيستيكا سالاسىنداعى كومپانيالاردىڭ يەسى بولات قونارباي جەڭىمپاز اتاندى, دەپ حابارلايدى Egemen.kz.
كلۋبتىڭ بولاشاعى ءۇشىن سالىنباق ينۆەستيتسيا كولەمى 1 ميلليارد تەڭگەگە جۋىقتايدى. اتىراۋ وبلىسىنىڭ اكىمى سەرىك شاپكەنوۆ ينۆەستورمەن كەزدەسۋ بارىسىندا بۇل قادامنىڭ ماڭىزدىلىعىنا توقتالدى.
«بۇگىن ءبىز وڭىرلىك سپورتتى دامىتۋداعى ماڭىزدى ءبىر كەزەڭدى قورىتىندىلاپ وتىرمىز. «اتىراۋ» فۋتبول كلۋبى مەملەكەت باسشىسى قاسىم-جومارت كەمەل ۇلى توقاەۆتىڭ كاسىبي سپورتقا جەكە ينۆەستيتسيا تارتۋ تۋرالى تىكەلەي تاپسىرماسى نەگىزىندە رەسمي تۇردە كوممەرتسيالىق نەگىزدە جۇمىس ىستەۋگە كوشتى. بۇل شەشىم – باسقارۋدىڭ جاڭا مودەلىنە جاسالعان قادام. «اتىراۋ» فك – مۇنايلى استانانىڭ ماقتانىشى جانە سولاي بولىپ قالا بەرمەك. جەكە كاپيتالدىڭ كەلۋى كلۋبتىڭ دامۋىنا جاڭا سەرپىن بەرىپ, ادال جانكۇيەرلەردىڭ سۇيىسپەنشىلىگى مەن سەنىمىن ساقتاي وتىرىپ, ونى باسەكەگە قابىلەتتى ەتەرىنە سەنىمدىمىز», دەدى سەرىك شاپكەنوۆ.
جاڭا باسشىلىق كلۋبتى جاي عانا بيزنەس ەمەس, الەۋمەتتىك جاۋاپكەرشىلىك دەپ سانايدى. الداعى ءۇش جىلدا كلۋب اكادەمياسىنداعى شاكىرتتەر سانىن 1 000 بالاعا دەيىن ارتتىرۋ جوسپارلانعان. سونداي-اق فۋتبول ورتالىعىنىڭ فيليالدارى وبلىستىڭ بارلىق اۋداندارىندا اشىلماق.
«توبىل» فۋتبول كلۋبى اتاۋىن تولىق قازاقشالادى
كلۋبتىڭ دامۋ ستراتەگياسىندا تالانتتى بالالاردى قولداۋ باستى ورىنعا يە. جاڭا باسشىلىق جۇيەلى سەلەكتسيالىق جۇمىستار ارقىلى قابىلەتتى جاسوسپىرىمدەردى ىرىكتەۋگە مۇددەلى. ەڭ باستىسى – كوماندانىڭ نەگىزگى قۇرامى الداعى ۋاقىتتا جەرگىلىكتى جانە وتاندىق فۋتبول مەكتەبىنىڭ تۇلەكتەرىنەن جاساقتالادى دەپ كۇتىلەدى.
بيزنەسمەن «اقتوبە» فۋتبول كلۋبىن ساتىپ الدى
جەكەشەلەندىرۋ شارتىنىڭ ماڭىزدى تارماقتارىنىڭ ءبىرى – ايەلدەر فۋتبولىن دامىتۋ. ەندى «اتىراۋ» فۋتبول كلۋبىنىڭ قۇرامىندا كاسىبي ايەلدەر كومانداسى پايدا بولادى. ولار قازاقستان رەسپۋبليكاسىنىڭ بىرىنشىلىگىندە تۇراقتى تۇردە ونەر كورسەتىپ, ءوڭىر نامىسىن قورعايتىن بولادى.
ينۆەستوردىڭ جەكە قاراجاتى ەسەبىنەن اتىراۋدا زاماناۋي فۋتبول اكادەمياسى بوي كوتەرەدى. بۇل تەك جاتتىعۋ الاڭى ەمەس, سپورتشىلارعا ارنالعان جاتاقحاناسى مەن بارلىق قاجەتتى جاعدايى جاسالعان تولىققاندى سپورتتىق كەشەن بولماق.
تيمۋر تۋرلوۆ «شاحتيور» فۋتبول كلۋبىن ساتىپ الدى
بۇعان دەيىن «قايساردىڭ» ينۆەستورى – «TAU Group Ltd» وكىلى يسلامعالي قوزباقوۆ, «قىزىلجاردىڭ» جاڭا يەسى – كاسىپكەر سەرگەي كان, «جەڭىس» كلۋبىنىڭ ينۆەستورى – كاسىپكەر ميحايل لومتادزە بولعانى ءمالىم بولدى.
«ورداباسى» فۋتبول كلۋبى جەكەمەنشىككە ساتىلدى