استاناداعى تۇرعىن ءۇي كەشەندەرىنىڭ بىرىندە بولعان ورتتەن امان قالعان ايەل ەسىن جيدى, دەپ حابارلايدى Egemen.kz.
قازىرگى تاڭدا ءۇش بالاسىنان ايىرىلعان انانىڭ جاعدايى ءالى دە اۋىر دەپ باعالانعان. ول جەتى تاۋلىكتەن بەرى جانساقتاۋ بولىمىندە جاتىر.
دارىگەر-تراۆماتولوگ مارات سابيروۆتىڭ مالىمەتىنشە, جاعدايدىڭ كۇردەلىلىگى كۇيىك جاراقاتىمەن, تىنىس الۋ جولدارىنىڭ زاقىمدانۋىمەن جانە ينتوكسيكاتسيامەن بايلانىستى.
استاناداعى بالالار اۋرۋحاناسىندا ءورت شىقتى
«قازىرگى ۋاقىتتا پاتسيەنت ەسىن جيدى, نۇسقاۋلارعا جاۋاپ بەرەدى. بارلىق قاجەتتى مەديكامەنتوزدىق كومەك كورسەتىلۋدە. تىنىس الۋى جاساندى جەلدەتۋ اپپاراتىمەن قامتاماسىز ەتىلگەن. جۇرەك جۇمىسى مەن ارتەريالىق قىسىمى تۇراقتى», دەدى مامان.
الماتىدا تۇرعىن ءۇي ورتىنەن ءتورت ادام قۇتقارىلدى
ەسكە سالا كەتەيىك, جان تۇرشىگەرلىك وقيعا وتكەن دەمالىس كۇندەرى ەلورداداعى تۇرعىن ءۇي كەشەندەرىنىڭ بىرىندە بولعان. 15-قاباتتاعى پاتەردەن ءورت شىعىپ, قۇتقارۋشىلار 39 جاستاعى ايەلدى عانا امان الىپ قالدى. وكىنىشكە قاراي, ءۇش بالاسى قازا تاپتى.