استانا. 20 ناۋرىز. بۇگىن رەسەيدەن كەلگەن حالىقارالىق بايقاۋشىلار جۋرناليستتەرمەن پارلامەنت ءماجىلىسى مەن ەلوردالىق ءماسليحات دەپۋتاتتارىن سايلاۋ بارىسى تۋرالى ءوز پىكىرلەرىمەن ءبولىستى. بۇل تۋرالى استانا قالاسى اكىمدىگىنىڭ رەسمي سايتى – astana.gov.kz-كە سىلتەمە جاساعان egemen.kz ءتىلشىسى حابارلادى.
ساراپشىلار داۋىس بەرۋ پروتسەسىن مۇقيات باقىلاۋدا, ولار سايلاۋ ادال جانە ايقىن ءوتىپ جاتىر, ادامدار وزدەرىنىڭ ازاماتتىق ۇستانىمدارىن بەلسەندى تۇردە بىلدىرۋدە دەپ ەسەپتەيدى.
كەزدەسۋ بارىسىندا ماسكەۋ حالىقارالىق ۋنيۆەرسيتەتى جانىنداعى حالىقارالىق ينتەگراتسيالىق ىنتىماقتاستىق ينستيتۋتىنىڭ ديرەكتورى يگور فيلكەۆيچ قازاقستان حالقىن كەلە جاتقان ناۋرىز مەيرامىمەن قۇتتىقتاپ, كوكتەمگى جاڭارۋ مەرەكەسى مەن پارلامەنت ءماجىلىسى جانە ەلوردالىق ءماسليحات دەپۋتاتتارىن سايلاۋىنىڭ سايكەس تۇسكەندىگىن اتاپ ءوتتى.
«حالىقتىڭ كوڭىل كۇيى جاقسى. سايلاۋ ۋچاسكەلەرىندەگى باقىلاۋ كورسەتكەندەي, بارلىق پارتيالارعا بىردەي جاعدايلار جاسالعان, ولاردىڭ بارلىعى جاھاندىق ەكونوميكادا, سونداي-اق, ەۋرازيالىق ەكونوميكالىق وداق اياسىندا قازاقستاننىڭ دامۋىنا بارىنشا كۇش سالماق», – دەدى يگور فيلكەۆيچ.
رەسەي فەدەراتسياسىنىڭ ەڭبەك سىڭىرگەن سۋرەتشىسى, پروفەسسور نيكاس سافرونوۆ تا ءوز پىكىرىن ءبىلدىردى.
«وتكەن جىلى پرەزيدەنت سايلاۋىندا بولدىم, ادامدار سايلاۋعا زور ىنتامەن كەلەدى. حالىق ەڭ ۇزدىك, لايىقتى كانديداتتى تاڭدايدى. ءبارى دە زاڭدى ءوتىپ جاتىر, ەشبىر بۇزۋشىلىقتاردى بايقاعان جوقپىز. ايتا كەتەرلىك جايت, ادامدار ءوز مەملەكەتىن, ءوز پرەزيدەنتىن جاقسى كورەدى جانە وسى مەملەكەتتى باسقاراتىن ادامداردى تاڭدايدى», – دەدى ول.
«ساياسي زەرتتەۋلەر ينستيتۋتى» جشق باس ديرەكتورى سەرگەي ماركوۆتىڭ اتاپ وتۋىنشە, پارتيالار اراسىنداعى باسەكەلەستىك اسا جوعارى, ءتۇرلى پارتيالار قاتىسىپ جاتىر, ولار ءوز باعدارلامالارىن ۇسىنۋدا.
گ.ۆ.پلەحانوۆ اتىنداعى رەسەي ەكونوميكا ۋنيۆەرسيتەتى رەكتورىنىڭ كەڭەسشىسى, ەكونوميكا عىلىمدارىنىڭ دوكتورى ماريا ۆالوۆايا سايلاۋدىڭ بارلىق حالىقارالىق ستاندارتتار بويىنشا ۇيىمداستىرىلعانىن اتاپ ءوتتى.
«ءبارى دە جاقسى, ۇيىمداستىرۋشىلار تاراپىنان دا, داۋىس بەرۋشىلەر جاعىنان دا. ادامداردىڭ سايلاۋدى مەرەكەدەي قابىلداۋى ەكى فاكتوردىڭ بەلگىسى: مەملەكەتتە كوپ ءىس اتقارىلدى جانە ادامدار تاڭداۋ جاساۋ قاجەتتىلىگىنىڭ جاۋاپكەرشىلىگىن تۇسىنەدى. مەملەكەت الدىنداعى كۇردەلى جوسپارلاردى تەك لايىقتى كوماندامەن عانا جۇزەگە اسىرۋعا بولادى», - دەيدى بايقاۋشى.
ايتا كەتەيىك, بۇگىن ەلىمىزدە پارلامەنت ءماجىلىسى مەن بارلىق دەڭگەيلەردەگى ءماسليحات دەپۋتاتتارىن سايلاۋ ءوتىپ جاتىر. ەلوردا تۇرعىندارى 178 سايلاۋ ۋچاسكەسىندە ساعات 20:00 دەيىن داۋىس بەرە الادى.
ەلامان قوڭىر.
دەرەك, سۋرەت: astana.gov.kz.