استانا. 20 ناۋرىز. بۇگىن پارلامەنت ءماجىلىسى مەن ءماسليحاتتار دەپۋتاتتىعىنا مەرزىمىنەن بۇرىن ءوتىپ جاتقان سايلاۋدا قارۋلى كۇشتەرىنىڭ بارلىق اسكەري قىزمەتشىلەرى تاڭعى ساعات 7-دەن باستاپ اشىق جانە جابىق سايلاۋ ۋچاسكەلەرىندە داۋىس بەردى. بۇل تۋرالى egemen.kz ءتىلشىسى حابارلادى.
بيىلعى جىلى بارلىق اسكەري قىزمەتشىلەر داۋىس بەرۋگە العاش رەت اسكەري كيىممەن باردى.
تاڭسارىدەن باستاپ قر قك قۇرلىق اسكەرلەرىنىڭ باس قولباسشىسى گەنەرال-لەيتەنانت مۇرات مايكەەۆ, اسكەري-تەڭىز كۇشتەرىنىڭ باس قولباسشىسى كونتر-ادميرال جانداربەك جانزاقوۆ جانە اۋە قورعانىسى كۇشتەرىنىڭ باس قولباسشىسى اۆياتسيا گەنەرال-مايورى نۇرلان ورمانبەتوۆ سايلاۋ ۋچاسكەلەرىندە ءوز تاڭداۋلارىن جاساپ, داۋىس بەردى.
اسكەري بولىمدەر مەن مەكەمەلەردىڭ اۋماقتارىندا 20 سايلاۋ ۋچاسكەسى قۇرىلدى.
كەزەكتەن تىس سايلاۋدا داۋىس بەرۋگە قر قارۋلى كۇشتەرىنىڭ وكىلدەرى مەن ولاردىڭ وتباسى مۇشەلەرى قاتىسۋدا. ولاردىڭ اراسىندا قورعانىس مينيسترلىگى, باس شتابى مەن قر قارۋلى كۇشتەر قۇرىلىمدىق بولىمشەلەرىنىڭ, ورتالىق باعىنىستاعى بولىمدەر مەن مەكەمەلەردىڭ, قر قك قۇرلىق اسكەرلەرى, اۋە قورعانىسى كۇشتەرى, اسكەري-تەڭىز كۇشتەرى اسكەري بولىمدەرىنىڭ, اسكەري وقۋ ورىندارى مەن جەرگىلىكتى اسكەري باسقارۋ ورگاندارىنىڭ اسكەري قىزمەتشىلەرى بار.
داستان كەنجالين.
دەرەك, سۋرەت: قورعانىس مينيسترلىگى.