استانا. 20 ناۋرىز. بەلگىلى جاتتىقتىرۋشى جوزە موۋرينيۋ انگليانىڭ «مانچەستەر يۋنايتەد» كومانداسىمەن الدىن الا كەلىسىمگە قول قويدى. بۇل تۋرالى تاسس اقپارات اگەنتتىگىنە سىلتەمە جاساعان egemen.kz ءتىلشىسى حابارلادى.
El Paris باسىلىمىنىڭ حابارلاۋىنشا, موۋرينيۋ وسى جىلدىڭ 1 مامىرىنا دەيىن وزگە كوماندالارمەن كەلىسىمشارت جاساسپايتىن بولسا, «مانچەستەر يۋنايتەد» باسشىلىعى 6,5 ميلليون ەۋرو سىياقى بەرەدى. ال 1 ماۋسىمعا دەيىن كلۋب باسشىلىعى پورتۋگال مامانىن جاتتىقتىرۋشى ەتىپ تاعايىنداماسا, وتەماقى رەتىندە 13 ميلليون ەۋرو تولەيدى.
وسىعان دەيىن «چەلسيدىڭ» ەكس-جاتتىقتىرۋشىسى جاڭا كومانداسىندا ءۇش جىلدا 60 ملليون ەۋرو جالاقى الاتىنى حابارلانعان.
ايتا كەتەيىك, جوزە موۋرينيۋ «چەلسي» كلۋبىن ەكى مارتە جاتتىقتىرعان. 2004 جىلدان 2007 جىل ارالىعىندا انگليانىڭ ەكى دۇركىن چەمپيونى (2004/05, 2005/06) اتانسا, 2007 جىلى انگليا كۋبوگىن, 2005, 2007 جىلدارى ليگا كۋبوگىن جانە 2005 جىلى انگليا سۋپەركۋبوگىن جەڭىپ العان. وسىدان سوڭ, 2008-2010 جىلدارى يتاليانىڭ «ينتەر» جانە 2010-2013 جىلدارى يسپانيانىڭ «رەال» كوماندالارىندا قىزمەت ەتكەن.
بيىلعى ماۋسىمدا «مانچەستەر يۋنايتەد» كومانداسى 29 ويىننان كەيىن 47 ۇپايمەن 6-ورىندا كەلەدى. چەمپيوندار ليگاسىنىڭ توپتىق كەزەڭىنەن شىعا العان جوق. سونداي-اق, ەۋروپا ليگاسىنىڭ 1/8 فينالىندا «ليۆەرپۋل» كومانداسىنا ەسە جىبەرىپ قويدى.
ايان ءابدۋالي.
دەرەك: تاسس.
سۋرەت: news.sportbox.ru.