استانا. 19 ناۋرىز. تۇركيانىڭ ادانا قالاسىندا جۇمادان سەنبىگە قاراعان ءتۇنى 4 مارتە جارىلىس بولدى. بۇل تۋرالى تاسس اقپارات اگەنتتىگىنە سىلتەمە جاساعان egemen.kz ءتىلشىسى حابارلادى.
الدىن الا بولجام بويىنشا, تەراكتىنىڭ سالدارىنان بىرنەشە ادام مەرت بولدى. ازىرگە ولاردىڭ سانى تۋرالى ناقتى اقپارات جوق. كۋاگەرلەردىڭ ايتۋىنشا, جارىلعىش زاتتارعا تولى جۇك كولىگى ورتەنگەن.
تەررورلىق ارەكەتتىڭ قاۋپىنەن انكارا, ىستامبۇل سياقتى مەملەكەتتىڭ شىعىسىنداعى ءىرى قالالاردا ناۋرىز مەيرامى تويلانبايتىن بولدى. پوليتسيا قىزمەتكەرلەرىنىڭ ايتۋىنشا, اتىشۋلى لاڭكەستىك ۇيىمدار مەرەكە كۇندەرى شابۋىل جاساۋى مۇمكىن.
ايتا كەتەيىك, 13 ناۋرىز كۇنى تۇركيانىڭ استاناسى انكارا قالاسىندا جولاۋشىلار اۆتوبۋسى مەن بىرنەشە كولىك جارىلىپ, 37 ادام قازا تاپقان. سونداي-اق, 125 ادام ءتۇرلى دەڭگەيدە جاراقات العان.
ايان ءابدۋالي.
دەرەك: تاسس.
سۋرەت: topnews.ru.