پارلامەنت سەناتىنىڭ بيۋروسى پالاتانىڭ 2016 جىلعى 24 ناۋرىزدا بولاتىن وتىرىسىنىڭ كۇن ءتارتىبىن كەلىستى, دەپ حابارلادى پارلامەنت سەناتىنىڭ ءباسپاسوز قىزمەتى.
سەناتورلار ۇقشۇ-عا مۇشە مەملەكەتتەردىڭ تەمىرجولدارىن تەحنيكالىق بۇركەمەلەۋدىڭ بىرىڭعاي جۇيەسىن قۇرۋ تۋرالى كەلىسىمنىڭ قولدانىس مەرزىمىن ۇزارتۋ جانە وعان وزگەرىستەر ەنگىزۋ تۋرالى حاتتامانى; اسكەري جانە باسقا دا قۇرالىمداردى, ولاردىڭ جىلجىمالى مۇلكىن, سونداي-اق, اسكەري ماقساتتاعى ءونىمدى تاسىمالداۋ سالاسىنداعى ۇقشۇ-عا مۇشە مەملەكەتتەردىڭ ىنتىماقتاستىعى تۋرالى كەلىسىمدى; قازاقستان مەن اۋستريا اراسىنداعى جۇكتەردىڭ حالىقارالىق اۆتوموبيل تاسىمالدارى تۋرالى ۇكىمەتارالىق كەلىسىمدى راتيفيكاتسيالاۋ تۋرالى زاڭ جوبالارىن تالقىلايدى.
زاڭناماعا تۇتىنۋشىلاردىڭ قۇقىقتارىن قورعاۋ ماسەلەلەرى بويىنشا تۇزەتۋلەردى ءبىرىنشى وقىلىمدا قاراۋ جوسپارلاندى. زاڭناماعا پوشتا; «جاسىل ەكونوميكاعا» كوشۋ; استىق نارىعىن رەتتەۋ; سونداي-اق, ەكولوگيالىق ماسەلەلەر بويىنشا وزگەرىستەر مەن تولىقتىرۋلار ەكىنشى وقىلىمدا قارالاتىن بولادى.