استانا. 1 ناۋرىز. Apple كومپانياسى 21 ناۋرىزدا iPad پلانشەتى مەن iPhone 5SE سمارتفونىنىڭ جاڭا ۇلگىلەرىنىڭ تانىستىرىلىمىن وتكىزەدى. بۇل تۋرالى «ينتەرفاكس» اقپارات اگەنتتىگىنە سىلتەمە جاساعان egemen.kz ءتىلشىسى حابارلادى.
Re/code پورتالىنىڭ حابارلاۋىنشا, iPad Pro پلانشەتىنىڭ دياگونالى 9,7 ديۋيم بولادى. سونداي-اق, Apple Watch «اقىلدى» ساعاتىنىڭ جاڭا ۇلگىسىنە ىڭعايلى جاڭا باۋ قوسىلادى دەپ كۇتىلەدى.
الدىن الا بولجام بويىنشا, Apple كومپانياسى ىس-شارانى جىلداعىداي كۋپەرتينو قالاسىندا وتكىزۋى مۇمكىن. سالتاناتتى كەش وتەردەن ءبىر كۇن بۇرىن كاليفورنيانىڭ سوتى Apple مەن اقش-تىڭ فەدەرالدىق تەرگەۋ بيۋروسى اراسىنداعى ماسەلەنى قارايدى.
كومپانيا ازىرگە اقپارات قۇرالدارىنا جاڭا ونىمدەردىڭ تانىستىرىلىمى وتەتىنى تۋرالى حابارلاندىرۋ بەرۋدى باستاعان جوق.
ايان ءابدۋالي.
دەرەك: «ينتەرفاكس».
سۋرەت: i-novice.net.