اتىراۋ. 1 ناۋرىز. اتىراۋ وبلىسىندا كۇنتىزبەدە ءتورت جىلدا ءبىر رەت كەلەتىن 29 اقپاندا 40 بالا جارىق دۇنيە ەسىگىن اشتى. بۇل تۋرالى وبلىستىق دەنساۋلىق ساقتاۋ باسقارماسىنىڭ باس مامانى-پەدياتورى گۇلفارا ومىرباەۆانىڭ دەرەگىنە سىلتەمە جاساعان egemen.kz ءتىلشىسى حابارلادى.
ءار اتا-انا ءسابيىنىڭ ومىرگە كەلۋىن ۇلكەن قۋانىش رەتىندە قابىلدايدى. سول سەبەپتەن بولار, اتىراۋدا دەموگرافيالىق كورسەتكىش ارتىپ كەلەدى. ماسەلەن, وتكەن جىلدىڭ العاشقى ەكى ايىندا 2553 بالا ومىرگە كەلىپتى. ال بيىلعى كىبىسە جىلدىڭ قاڭتار-اقپان ايلارىندا 2571 ءسابي جارىق دۇنيەنىڭ ەسىگىن اشىپتى. «ونىڭ ىشىندە 40 ءسابي 29 اقپان كۇنى ومىرگە كەلدى» دەپ ءمالىم ەتتى گۇلفارا جۇماشقىزى.
جولداسبەك شوپەعۇل.
دەرەك: egemen.kz.
سۋرەت: moe-online.ru.