استانا. 29 اقپان. 8 ناۋرىزدا «استانا ارەنا» ستاديونىندا فۋتبولدان ەلىمىزدىڭ قازىرگى چەمپيونى «استانا» كومانداسى مەن الماتىنىڭ «قايراتى» قازاقستان سۋپەركۋبوگىن ساراپقا سالادى. وسىعان وراي ماتچ وتەتىن ۋاقىتتا قالادا كولىك قوزعالىسى شەكتەلەدى. بۇل تۋرالى استانا قالاسى اكىمدىگىنىڭ رەسمي سايتى – astana.gov.kz-كە سىلتەمە جاساعان egemen.kz ءتىلشىسى حابارلادى.
ويىن ساعات 15:00 باستالادى. ساعات 13:00 قابانباي باتىر جانە تۇران داڭعىلدارى بويىندا كەرەي مەن جانىبەك حاندار كوشەسىنەن حۋسەين بەن تالال كوشەسىنە دەيىنگى بولىگىندە كولىك قوزعالىسى توقتاتىلادى. جولدار ماتچ سوڭىنا دەيىن جابىق بولادى. سوندىقتان اۋەجايعا باراتىن استانالىقتارعا جانە جاقىن ماڭداعى ەلدى مەكەندەردىڭ تۇرعىندارىنا پوليتسەيلەر اينالىپ ءوتۋ جولدارىن الدىن الا جوسپارلاۋدى ۇسىنادى. ەڭ ىڭعايلى جول – ورىنبور كوشەسى ارقىلى ءجۇرۋ.
ءداستۇر بويىنشا فۋتبول اۋەسقويلارى ءۇشىن ارنايى ترانسفەر ۇيىمداستىرىلادى. اۆتوبۋستار جانكۇيەرلەردى بەس جەردەن الىپ كەتەدى. ولار: «قازاقستان» سپورت سارايىنىڭ جانىنداعى تۇراق, قاجىمۇقان مۇڭايتپاسوۆ اتىنداعى ستاديوننىڭ, «ازىرەت سۇلتان» جانە «نۇر استانا» مەشىتتەرىنىڭ جانىنداعى تۇراقتار, سونداي-اق, ەلوردالىق تسيرك جانىنداعى تۇراق.
استانا قالاسى ىشكى ىستەر دەپارتامەنتى جەرگىلىكتى پوليتسيا قىزمەتى جانكۇيەرلەردى بۇل كۇنى قوعامدىق كولىكتى پايدالانۋعا شاقىرادى.
ەلامان قوڭىر.
دەرەك, سۋرەت: astana.gov.kz.