قاراعاندى وبلىسىندا پاتەردەگى گاز باللونى جارىلدى

قاراعاندى. 29 اقپان. قاراعاندى وبلىسىنداعى ساران قالاسىندا پاتەرلەردىڭ بىرىندە گاز باللونى جارىلدى. ابىروي بولعاندا تۇرعىندار جاپا شەككەن جوق. بۇل تۋرالى nv.kz سايتىنا سىلتەمە جاساعان egemen.kz ءتىلشىسى حابارلادى.

گاز باللونى جارىلعان پاتەردە تۇراتىن زەينەتكەر ايەلدىڭ جۇيكە اۋرۋى بار. الەۋمەتتىك ورگانداردىڭ كەيۋانانى قارتتار ۇيىنە كوشىرمەكشى بولعان ارەكەتى ازىرگە ىسكە اسپاي جاتقان كورىنەدى. كورشىلەرىنىڭ ايتۋىنشا, وسىعان دەيىن دە زەينەتكەردىڭ گازدى ءسوندىرۋدى ۇمىتىپ كەتكەن وقيعالارى بولعان ەكەن. گاز باللونىنىڭ جارىلىسىنان ەشكىم جاپا شەككەن جوق. تەك كەيۋانا تۇراتىن پاتەردىڭ ەسىك-تەرەزەسىنە زاقىم كەلگەن. قازىرگى ۋاقىتتا گاز باللونى مەن رەدۋكتور ساراپتاماعا وتكىزىلىپ, اپاتتىڭ سەبەپ-سالدارى انىقتالۋدا. قايرات ءابىلدينوۆ. دەرەك: nv.kz. سۋرەت: nur.kz.