ەۋروپا ەلدەرىنە كەلگەلى بەرى جوعالىپ كەتتى
ەۋروپا ەلدەرىندە باسقا قۇرلىقتاردان كەلگەن بوسقىنداردىڭ 10 مىڭداي بالاسى ءىز-ءتۇزسىز جوعالىپ كەتتى. حابارلاعانداي, ولار تۇراقتاعان ەلدەرىندە ارنايى تىركەۋدەن وتكەننەن كەيىن جوق بولعان.
«ەۋروپول» جەتەكشىسى برايان دونالدتىڭ ايتۋىنا قاراعاندا, تەك يتاليانىڭ وزىندە عانا بەس مىڭعا جۋىق كىشكەنتاي بوسقىندار ۇشتى-كۇيلى جوق. شۆەتسيادا مىڭعا جۋىق بالا تابىلماي جاتىر. ول بالالاردىڭ ءبىر بولىگى وزدەرىنىڭ قىلمىستىق ماقساتىنا پايدالانىپ وتىرعان قىلمىسكەرلەردىڭ قولدارىندا بولۋى مۇمكىن ەكەنىن ايتادى.
«ەۋروپول» باسشىسى سونىمەن قاتار, بالالاردى ىزدەستىرۋدەگى قيىندىقتار قۇقىق قورعاۋ ورگاندارىمەن بايلانىسقا بارا بەرمەيتىن ميگرانت اتا-انالاردان دا بولىپ وتىرعانىن جەتكىزدى.
بۇدان بۇرىن Amnesty International زاڭ قورعاۋشىلارى يراك پەن سيريادان شىققان ايەلدەردىڭ قۇقىق قورعاۋ ورگاندارى تاراپىنان بولاتىن كۇش كورسەتۋ مەن سەكسۋالدى بوپسالاۋلار جونىندە شاعىمدار ايتىلاتىنىن بايانداعان ەدى.
مۇرات ايتقوجا.