قازاقستاندىق مودەل

شەتەلدىكتەر تاراپىنان جوعارى باعالانىپ وتىر

كەشە استاناداعى ۇلتتىق اكادەميالىق كىتاپحانادا قازاقستان حالقى اسسامبلەياسى توراعاسىنىڭ ورىنباسارى – حاتشىلىق مەڭگەرۋشىسى ەرالى توعجانوۆتىڭ رۋمىنيا پارلامەنتىنىڭ دەپۋتاتى, رۋمىنيا دەموكراتيالىق ليبەرالدىق پارتياسىنىڭ مۇشەسى يوناش-فلورين ۋركانمەن كەزدەسۋى بولىپ ءوتتى. كەزدەسۋ بارىسىندا ەكى ەل اراسىنداعى مادەنيەتارالىق ۇنقاتىسۋدى ودان ءارى دامىتۋ ماسەلەلەرى, گۋمانيتارلىق ءوزارا ءىس-قيمىلدىڭ ماڭىزدى باعىتتارى تالقىلاندى. كەزدەسۋگە قاتىسۋشىلار قحا-نىڭ حالىقارالىق سەرىكتەستىگى شەڭبەرىندە ءىس-قيمىل جاساۋ, قوعامدىق كەلىسىم مەن جال­پىۇلتتىق بىرلىكتىڭ قازاق­ستان­دىق ۇلگىسىنىڭ ەرەكشەلىكتەرى ماسەلەلەرى تۋرالى پىكىر الماستى. پرەزيدەنت نۇرسۇلتان نازارباەۆتىڭ ەتنوسارالىق جانە كونفەسسياارالىق كەلى­سى­مىنىڭ مودەلى بۇۇ, ەقىۇ سياقتى اسا بەدەلدى حالىق­ارالىق ۇيىمداردا تالقىلانىپ, قولداۋعا يە بولدى. بۇگىنگى كۇنى بۇل مودەل تۋرالى بىلگىسى كەلەتىندەر, ونىڭ كوپتەگەن قىر­لارىن زەرتتەگىسى كەلەتىندەر كوپ. تەك وتكەن جىلى عانا مەن وسى ماسەلەمەن شەتەلدىك 24 دەلەگاتسيانى قابىلداپ, كەلىس­سوز جۇرگىزدىم, دەدى ەرالى توعجانوۆ كەزدەسۋ بارىسىندا. ءوز تاراپىنان مەيمان دا بۇل ىسكە قىزىعۋشىلىق بىلدىرەتىنىن جەتكىزدى. مەن سىزدەردىڭ ەتنوسارالىق باعىتتا جۇرگىزىپ جاتقان جۇمىستارىڭىزبەن قحا-دا تانىسا كەلىپ, بۇل تاراپتا از جۇمىس ىستەلمەگەنىنە كوز جەتكىزدىم. وسى جۇمىس­تىڭ ءبارى قازاقستان حالقىنىڭ تىنىش­تىعى مەن تۇراقتىلىعىن ساقتاۋعا ارنا­لىپ وتىرعانى ايقىن اڭعارىلادى, دەدى ول. ءسوزىنىڭ قورىتىندىسىندا ي-ف.ۋر­كان ەتنوسارالىق كەلىسىمدى قامتاماسىز ەتۋدەگى قازاقستاننىڭ وڭ تاجىريبەسى باسقا­لارعا ۇلگى بولاتىنىن اتاپ كورسەتىپ, پرە­زيدەنت ن.نازارباەۆتىڭ جۇرگىزىپ وتىر­عان بەيبىتشىلىك پەن كەلىسىم ساياساتىن رۋ­مىنيانىڭ جوعارى باعالايتىنىن ايتىپ ءوتتى. قازاقستان مەن رۋمىنيا اراسىنداعى پارلامەنتارالىق بايلانىستار نىعايا تۇسۋدە. ەكى ەلدىڭ پارلامەنتتىك دەلەگا­تسيالارى ءبىر-بىرىنە قاتىناسىپ, ءوزارا ىنتىماقتاستىق ورناتقانىنا ءبىرشا­ما جىل بولدى. بۇل ەكى ەلدىڭ ەكونو­مي­كالىق ىنتىماقتاستىعىنا ءورىس اشاتىن قادامدار بولسا, مادەنيەتارالىق باي­لا­نىستار قازىرگى ۋاقىتقا دەيىن ءتىپتى جاندانا تۇسكەن. بىلتىرعى جىلدىڭ ايا­عىندا عانا شاكەن ايمانوۆ اتىن­داعى «قازاقفيلم» كينوستۋدياسى قازاق­ستاننىڭ رۋمىنياداعى ەلشىلىگى مەن «كمگ ينتەرنەشنل» كومپانياسىنىڭ قولداۋىمەن بۋحارەستە 4 كۇنگە سوزىلعان كينوفەستيۆال وتكىزىپ كەلدى. فەستيۆالعا اپارعان كارتينالاردىڭ اراسىندا «ەلباسى جولى», «بالالىق شاعىمنىڭ اسپانى» اتتى ن.نازارباەۆ ومىرىنە ارنالعان كينوفيلمدەر دە العاشقى كۇنى كورسەتىلدى. ال كينوەپوپەيانىڭ باسقا بولىمدەرى كەلەسى كۇندەرى ۇسىنىلدى. سونىمەن قاتار, قازاقستاندىق تانىمال كينورەجيسسەرلەردىڭ ءار جىلدارى تۇسىرىلگەن 9 كينوفيلمى رۋمىنيالىق كورەرمەندەردىڭ نازارىنا ۇسىنىلىپ, وزدەرىنىڭ لايىقتى باعاسىن الدى. بۋحارەستە قازاقستاندىق كينو­فەس­تيۆالدىڭ وتكىزىلۋى ەكى ەل اراسىنداعى مادەني ىنتىماقتاستىقتىڭ ءداستۇرىن ودان ءارى تەرەڭدەتە ءتۇستى. ال وعان دەيىن قازاق­ستاندىق ونەرپازدار رۋمىنيادا جىل سايىن وتكىزىلىپ تۇراتىن دج.ەنەسكۋ اتىن­داعى كلاسسيكالىق مۋزىكانىڭ فەستي­ۆالىنە قاتىسىپ وتىراتىن. ولاردىڭ ارا­سىندا پيانيست ءامىر تەبەنيحين, سكريپ­كاشى جىبەك مۇسىرعاليەۆا جانە ت.ب. بولعان ەدى. ال بىلتىرعى 5 جەلتوق­ساندا بۋحارەستە سكريپكاشى ارمان مىرزاعاليەۆ ونەر كورسەتتى. جاقسىباي سامرات, «ەگەمەن قازاقستان».