سەنبى, 30 قاڭتاردا ورتالىق سايلاۋ كوميسسياسىنا 127 ادام ەنگىزىلگەن «نۇر وتان» پارتياسىنىڭ پارتيالىق ءتىزىمى تىركەۋ ءۇشىن ۇسىنىلدى.
سايلاۋ زاڭناماسىنىڭ تالاپتارىنا سايكەس پارتيالىق ءتىزىمدى ساياسي پارتيانىڭ وكىلى «نۇر وتان» پارتياسىنىڭ پارتيالىق ءتىزىمدى ۇسىنۋ تۋرالى كەزەكتەن تىس XVII سەزىنىڭ حاتتاماسىنان ءۇزىندى كوشىرمەمەن بىرگە ءبىر مەزگىلدە تاپسىرعان. وكىلدىڭ وكىلەتتىكتەرى ءتيىستى قۇجاتتارمەن راستالعان.
ورتالىق سايلاۋ كوميسسياسىنىڭ تاراتقان اقپاراتى بويىنشا, پارتيالىق ءتىزىمدى تىركەۋ ءۇشىن ورتالىق سايلاۋ كوميسسياسىنا مىناداي قۇجاتتار ۇسىنىلدى: ساياسي پارتيانىڭ قازاقستان رەسپۋبليكاسى ادىلەت مينيسترلىگىندە تىركەلگەنى تۋرالى قۇجاتتىڭ كوشىرمەسىمەن قوسا «نۇر وتان» پارتياسىنىڭ پارتيالىق ءتىزىمدى ۇسىنۋ تۋرالى كەزەكتەن تىس XVII سەزىنىڭ حاتتاماسىنان ءۇزىندى كوشىرمەسى, پارتيالىق تىزىمگە ەنگىزىلگەن ازاماتتاردىڭ تىزىمگە ەنگىزۋگە كەلىسىمى تۋرالى وتىنىشتەرى, پارتيالىق تىزىمگە ەنگىزىلگەن ءاربىر ادامنىڭ ومىرباياندىق دەرەكتەرى, سالىق ورگانىنىڭ پارتيالىق تىزىمگە ەنگىزىلگەن كانديداتتاردىڭ جانە ولاردىڭ جۇبايلارىنىڭ تابىسى مەن مۇلكى تۋرالى دەكلاراتسيا تاپسىرعانى تۋرالى انىقتامالارى جانە پارتيالىق تىزىمگە ەنگىزىلگەندەردىڭ «نۇر وتان» پارتياسىندا مۇشەلىگىن راستايتىن قۇجاتتار.
سايلاۋ زاڭناماسىنا سايكەس «نۇر وتان» پارتياسى وتكەن سايلاۋدا داۋىس بەرۋگە قاتىسقان سايلاۋشىلاردىڭ جالپى سانىنىڭ 7 پايىزدان ارتىق داۋىسىن العاندىقتان, سايلاۋ جارناسىن ەنگىزۋدەن بوساتىلادى.
ءاليسۇلتان قۇلانباي,
«ەگەمەن قازاقستان».