سەنات دەپۋتاتى گەورگي كيم ستراسبۋرگتە ەۋروپا كەڭەسى پارلامەنتتىك اسسامبلەياسىنىڭ جىل سايىنعى سەسسياسىنىڭ ءبىرىنشى بولىگىنە قاتىستى, دەپ حابارلادى پارلامەنت سەناتىنىڭ ءباسپاسوز قىزمەتى.
فورۋم اياسىندا سەناتور اسسامبلەياداعى ليتۆا دەلەگاتسياسىنىڭ مۇشەلەرى بيرۋتە ۆەسايتە, ەمانۋەليس زينگەريس, گەديميناس ياكاۆونيس, داليا كۋوديتە جانە دانگۋتە ميكۋتيەنەمەن كەزدەستى.
پارلامەنتارالىق ءوزارا ءىس-قيمىل, قازاقستاندى 2017-2018 جىلداردا بۇۇ قاۋىپسىزدىك كەڭەسىنە تۇراقتى ەمەس مۇشەسى بولۋعا سايلاۋدىڭ كەلەشەگى جانە استانادا وتەتىن ەكسپو-2017 حالىقارالىق كورمەسىنە ليتۆانىڭ قاتىسۋى ماسەلەلەرى تالقىلاندى.
ودان باسقا, گ.كيم بولگار پارلامەنتشىلەرىمەن جۇمىس بابىنداعى كەزدەسۋ وتكىزىپ, ەكىجاقتى ىنتىماقتاستىق پەن پارلامەنتارالىق ۇنقاتىسۋ قالىپتاستىرۋ ماسەلەلەرىن تالقىلادى. ەكپا-داعى بولگار دەپۋتاتتارى پارلامەنتارالىق ىنتىماقتاستىقتى كەڭەيتۋگە جانە تەرەڭدەتۋگە ازىرلىگىن جەتكىزدى, سونداي-اق, الەمدىك جانە ءداستۇرلى دىندەر ليدەرلەرىنىڭ سەزى حاتشىلىعىنىڭ XV وتىرىسى قارساڭىندا 2016 جىلعى 31 مامىردا استانادا وتەتىن «ءدىن تەرروريزمگە قارسى» حالىقارالىق كونفەرەنتسياسى جۇمىسىنا قاتىسۋعا تىلەك ءبىلدىردى.