قىزىلوردا. 1 اقپان. قىزىلوردادا وبلىستىق دەنە شىنىقتىرۋ جانە سپورت باسقارماسىنىڭ ۇيىمداستىرۋىمەن فۋتزالدان ارداگەرلەر اراسىندا بەلگىلى فۋتبولشى ءابىل قالىمبەتوۆتى ەسكە الۋعا ارنالعان وبلىستىق تۋرنير ءوتتى. بۇل تۋرالى وبلىستىق دەنەشىنىقتىرۋ جانە سپورت باسقارماسىنا سىلتەمە جاساعان egemen.kz حابارلادى.
تۋرنيرگە قىزىلوردا, بايقوڭىر قالالارى مەن اۋدانداردان 40 جاس جانە ودان جوعارى جاستاعى 12 كوماندادان 200-گە جۋىق ارداگەرلەر قاتىسىپ, ۇزدىكتەرى انىقتالدى.
ەكى كۇنگە سوزىلعان جارىستىڭ قورىتىندىسى بويىنشا «پەترو قازاقستان» كومانداسى «قايسار» كومانداسىن 3:1 ەسەبىمەن جەڭىپ, ەكىنشى مارتە جەڭىمپاز اتاندى. بايقوڭىرلىق «ينفراكوس» كومانداسى ءۇشىنشى ورىندى يەلەنسە, «ارداگەر» كومانداسى ءتورتىنشى ورىندى قاناعات تۇتتى.
«ۇزدىك قاقپاشى» نوميناتسياسى بويىنشا وكتيابر ءجۇسىپوۆ (ينفراكوس), «ۇزدىك قورعاۋشى» – بەرىك جاپپاسباەۆ (ارداگەر), «ۇزدىك شابۋىلشى» – عاني ماحامبەتوۆ (پەترو قازاقستان), «مەرگەن ويىنشى» – مارات سارسەنوۆ (قايسار), «ۇزدىك ويىنشى» – ءالىمحان جۇسىپبەكوۆ (پەترو قازاقستان) ماراپاتتالدى.
ەرجان بايتىلەس.
دەرەك, سۋرەت: egemen.kz