قىزىلوردا. 1 اقپان. سىرداريا اۋدانى ىشكى ىستەر ءبولىمى جەرگىلىكتى پوليتسيا قىزمەتكەرلەرىنىڭ ۇيىمداسقان جەدەل ىزدەستىرۋ شارالارىنىڭ ناتيجەسىندە 1 تاۋلىك ىشىندە مال ۇرلىعى ءىزى سۋىماي اشىلىپ, اككى ۇرىلار قولعا ءتۇستى. بۇل تۋرالى وبلىستىق ىشكى ىستەر دەپارتامەنتىنە سىلتەمە جاساعان egemen.kz حابارلادى.
اتاپ ايتقاندا, 2016 جىلعى 26 قاڭتار كۇنى ساعات 04.00 شاماسىندا سىرداريا اۋدانى, اقجارما اۋىلىندا 48 جاسار اۋىل تۇرعىنىنىڭ مال قوراسىنان ءبىر باس قويىن ۇرلاپ بارا جاتقان جەرىنەن 19 جاستاعى جانە 26 جاستاعى ەكى ازامات ۇستالدى. ولارعا قاتىستى قىلمىستىق كودەكستىڭ 188-بابى, 2-بولىگى, 1-تارماعى بويىنشا قىلمىستىق ءىس قوزعالدى. قازىر سوتقا دەيىنگى تەرگەپ-تەكسەرۋ امالدارى جۇرگىزىلۋدە. كۇدىكتىلەر ءاىىب-ءنىڭ ۋاقىتشا ۇستاۋ يزولياتورىنا قاماققا الىندى.
ءدال وسىنداي دەرەك 26 قاڭتار كۇنى ساعات 18.00 شاماسىندا سىرداريا اۋدانى, تەرەڭوزەك كەنتىندە دە بولعان. وسى اۋداننىڭ 41 جاستاعى تۇرعىنىنان اسقار توقماعامبەتوۆ اۋىلىنا قاراستى 8-رازەزد بەكەتىنىڭ اۋماعىنداعى ورىستەن قارا توبەلى مەن قۇناجانىن ۇرلاپ كەتكەندىگى جايلى ارىز كەلىپ تۇسەدى. ارىز نەگىزىندە ىزدەستىرۋ جۇمىستارى جۇرگىزىلىپ, ناتيجەسىندە قىلمىسقا كۇدىكتى رەتىندە ارىزدانۋشىنىڭ 37 جاستاعى تۋىسقانى ۇستالدى. تەرگەۋ جۇمىستارى بارىسىندا كۇدىكتى ازاماتتىڭ مالداردى 43 جاستاعى اۋىل تۇرعىنىنا ساتىپ جىبەرگەنى انىقتالدى.
قازىرگى تاڭدا, اتالعان دەرەك بويىنشا قىلمىستىق كودەكستىڭ 188-بابى, 1-بولىگى بويىنشا قىلمىستىق ءىس قوزعالىپ, سوتقا دەيىنگى تەرگەپ-تەكسەرۋ امالدارى جۇرگىزىلۋدە.
ەرجان بايتىلەس.
دەرەك, سۋرەت: egemen.kz