اقتاۋ. 28 قاڭتار. اقتاۋدا بەلگىسىز ايەلگە شابۋىل جاساعان ەر ادام ونى تەپكىلەپ سابادى. بۇل تۋرالى nur.kz سايتىنا سىلتەمە جاساعان egemen.kz ءتىلشىسى حابارلادى.
وقيعا بۇدان بىرنەشە كۇن بۇرىن اقتاۋ قالاسىنىڭ 27-شاعىن اۋدانىندا ورنالاسقان «ماليكا» بالاباقشاسىنىڭ ماڭىندا بولعان. ەر ادام ءوزىن تانىمايتىن ايەلگە كۇتپەگەن جەردەن شابۋىل جاساپ, ونى شاشىنان سۇيرەپ, ساباعان. سوققى سالدارىنان كەلىنشەك جەرگە قۇلاعان سوڭ, ەر ادام ونى تەپكىنىڭ استىنا العان.
اۋىر سوققىدان جاراقات العان 39 جاستاعى كەلىنشەك اۋرۋحاناعا جەتكىزىلدى. ءتارتىپ ساقشىلارى وقيعانىڭ ءىزىن سۋىتپاي, كۇدىكتىنى قولعا ءتۇسىردى. ول اقتاۋ قالاسىنداعى 15-شاعىن اۋداننىڭ 39 جاستاعى تۇرعىنى ەكەن جانە ونىڭ بالاسى «ماليكا» بالاباقشاسىندا تاربيەلەنەتىنى بەلگىلى بولدى.
ازىرگە جىگىتتىڭ ايەلدى نە ءۇشىن ساباعانى بەلگىسىز. قازىرگى تاڭدا سوتالدى تەرگەۋ جۇمىستارى جۇرگىزىلۋدە.
گۇلايىم شىنتەمىرقىزى.
دەرەك: nur.kz.
سۋرەت: mhealth.ru.